يران گەنەتيكا سالاسىندا كوشباسشى مەملەكەتكە اينالۋعا نيەتتى

 وتكەن جىلى يراننىڭ فارماتسيەۆتيكالىق ونىمدەر ەكسپورتى كىرىسىنىڭ 75 پروتسەنتىن بيوتەحنولوگيالىق دارىلەر قۇراعان.

 يراندا مەديتسينا ۇنەمى دامۋ ۇستىندە. بۇل سالادا ءتۇرلى عىلىمي زەرتتەۋلەر جۇرگىزىلىپ، وزىق تەحنولوگيالار ەنگىزىلىپ جاتىر. قازىر يران تاياۋ شىعىستا دەنساۋلىق ساقتاۋ سالاسى بويىنشا كوشباسشى مەملەكەتكە اينالعان. وعان ەلدە 90 -جىلدارى دارىگەرلەردى دايىنداۋ جۇيەسىنە جۇرگىزىلگەن رەفورما سەرپىن بەردى. بۇرىن جاستار ءبىلىم الۋ ءۇشىن شەتەل اسسا، قازىر يراندىقتاردىڭ 90 پروتسەنتى مەملەكەتتىك وقۋ ورىندارىندا وقيدى.

موحامماد حوسسەين كاريمي، دارىگەر:

-  يران -  مەديتسينالىق تۋريزمدى العاش بولىپ دامىتقان ەلدىڭ ءبىرى. سوڭعى ەكى جىلدا يراندا ەمدەلگىسى كەلەتىن شەتەلدىكتەردىڭ قاراسى كوبەيدى. ولاردىڭ باسىم بولىگى اراب ەلدەرىنىڭ ازاماتتارى. بۇعان يرانداعى باعا مەن ساپانىڭ تيىمدىلىگى سەبەپ. مۇندا ەڭ كۇردەلى وپەراتسيانىڭ ءوزى قولجەتىمدى باعاعا جاسالادى.

 يراندا مەديتسينالىق قىزمەتتىڭ ساپالى بولۋى كلينيكالاردىڭ وزىق تەحنيكالارمەن قامتامسىز ەتىلۋىنە دە بايلانىستى. مەملەكەت زاماناۋي قۇرال- جابدىقتاردى الۋعا جىل سايىن ميللياردتاعان دوللار جۇمسايدى. جەرگىلىكتى عالىمدار مەديتسينالىق زەرتتەۋلەر بويىنشا ۇلكەن جەتىستىكتەرگە قول جەتكىزگەن.

ارەزۋ ناسەحي، اكۋشەر- گينەكولوگ:

-  كەيىنگى جىلدارى ءبىز بەدەۋلىكتى زەرتتەۋدى كۇشەيتتىك. بۇل -  الەمدەگى ەڭ وزەكتى ماسەلەنىڭ ءبىرى. ءقازىر يراندا وسى اۋرۋدى ەمدەۋدىڭ ءتۇرلى جولى بار. جەرگىلىكتى تۇرعىنداردىڭ شىعىندارىنىڭ كوپ بولىگىن مەملەكەت پەن ساقتاندىرۋ وتەيدى.

حالىقارالىق ساراپشىلاردىڭ پىكىرىنشە، يران دەنساۋلىق ساقتاۋ مودەلىنىڭ قۇپياسى ساپالى زەرتتەۋلەرمەن بايلانىستى. مىسالى، بۇل ەلدە بيوتەحنولوگيالىق ءدارىنىڭ 34 ءتۇرى شىعارىلادى. يراندىق عالىمدار ءسۇت بەزى وبىرى، بالا مەنينگيتى سىندى اۋرۋدى ەمدەۋدىڭ جولىن تاپقان. الداعى 2 جىلدا قاتەرلى ىسىكتى جەڭۋدى ماقسات ەتىپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى