قازاقستاندىق توقىما ونىمدەرى تۇركيا، كورەيا، يتاليا ەلدەرىنە ەكسپورتتالماق

«بيىل قالاعا ينۆەستيتسيا تارتۋ ماقساتىندا سينگاپۋر، تۇركيا، قىتاي، ب ا ءا، رەسەي جانە كورەيا، وزبەكستان ەلدەردىڭ الەۋەتتى ينۆەستورلارىمەن كەزدەسۋلەر وتكىزدىك. ناتيجەسىندە وزبەك ينۆەستورلارىنىڭ قاتىسۋىمەن 5- جەلتوقساندا قالامىزدا بىرنەشە جىلدان بەرى توقتاپ تۇرعان «اليانس» ج ش س (بۇرىنعى «يۋتەكس» ا ق) ءجىپ ءيىرۋ فابريكاسى ىسكە قوسىلدى. بۇل ءوندىرىس وسى جىلدىڭ سوڭىنا دەيىن 60 توننا، ال كەلەسى جىلى 6 مىڭ توننا ماقتا- تالشىعى ونىمدەرىن شىعارۋعا مۇمكىندىك بەرەدى»، - دەدى شىمكەنت قالاسىنىڭ اكىمى ەرلان ايتاحانوۆ  و ك ق- دا وتكەن باسپا ءسوز ءماسليحاتىندا.

قالا باسشىسىنىڭ ايتۋىنا قاراعاندا، الداعى ۋاقىتتا شاھاردا بۇرىنعى «مەلانج» كومپانياسى قايتا ىسكە قوسىلادى. وسىنىڭ ناتيجەسىندە جوعارى ساپالى توقىما ونىمدەرى تۇركيا، قىتاي، وڭتۇستىك كورەيا، يتاليا، رەسەي ەلدەرىنە ەكسپورتقا شىعارىلماق. بۇل ءوز كەزەگىندە ەلىمىزدە وڭدەلەتىن ماقتا كولەمىن 2 ەسەگە ارتتىرىپ، 800 ادامعا جۇمىس ورنىن بەرمەك.

«كەلەسى جىلى اۋماعى 306 گەكتار جەرگە 3- جاڭا «جۇلدىز» يندۋستريالىق ايماعىن قۇرۋ جۇمىستارى جۇرگىزىلەدى. قازىرگى تاڭدا تەحنيكالىق- ەكونوميكالىق نەگىزدەمە ازىرلەنۋدە. ينۆەستورلار تاراپىنان قىزىعۋشىلىق جوعارى. بۇگىننىڭ وزىندە 20 ميلليارد تەڭگەگە 1 مىڭعا جۋىق جاڭا جۇمىس ورنىمەن 20 جوبا جۇزەگە اسىرۋعا ينۆەستورلار نيەت ءبىلدىردى»، - دەدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى