قازاقستاندىق فيلم گرەكيادا وتكەن كينوفەستيۆالدە جۇلدەلى بولدى
ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرگەن فيلم ءبىر- بىرىنە مۇلدەم ۇقسامايتىن، الايدا تاعدىرلارى كەزدەيسوق توعىسقان جاسوسپىرىمدەر تۋرالى باياندايدى. وتباسى جىلۋى مەن جاقىندارىنىڭ قولداۋىنان ايىرىلعان، ءتىپتى الەۋمەتپەن ءتىل تابىسا الماي جۇرگەن ولار باسىن قاۋىپكە تىگەدى.
گرەكيانىڭ ۇكىمەت بيلىگى جانە جاستاردىڭ كوممەرتسيالىق ەمەس ۇيىمدارى بىرىگىپ ۇيىمداستىرعان بۇل فەستيۆالدىڭ نەگىزى 1997 -جىلى قالانعان بولاتىن. بايقاۋ جەرگىلىكتى مادەنيەت مينيسترلىگى مەن جاستار جونىندەگى باس حاتشىلىعى قولداۋىمەن وتكىزىلەدى.
فەستيۆالدىڭ نەگىزگى ماقساتى - جەرگىلىكتى اۋديتوريانى الەمدە شىعىپ جاتقان بالالار مەن جاسوسپىرىمدەرگە ارنالعان جاڭا فيلمدەرمەن تانىستىرۋ، بالالارعا ارنالعان اۋديو- ۆيزۋالدى باعدارلامالاردى دامىتۋعا ۇلەس قوسۋ، سونداي- اق وسى تاقىرىپتا تۇسىرىلەتىن فيلمدەردىڭ ءوندىرىسىن قولداۋ.
«ءبىزدىڭ فيلم كورەرمەندەردىڭ ىقىلاس- ءىلتيپاتىنا بولەنىپ، كينوسىنشىلاردىڭ دا جوعارى باعاسىن الىپ جاتىر. فيلمنىڭ ءتۇسىرۋ توبىن وسى جەڭىسپەن قۇتتىقتايمىن. كارتينانىڭ حالىقارالىق دەڭگەيدە تانىلۋىنا ۇلەس قوسىپ جۇرگەن جاندارعا ەرەكشە العىسىمدى بىلدىرەمىن» ، - دەدى فيلمنىڭ رەجيسسەرى الديار بايراقىموۆ.
ەستەرىڭىزگە سالا كەتسەك، بىلتىر «نا گراني» فيلمى رەسەيدىڭ اناپا قالاسىندا وتكەن «كينوشوك» اتتى ت م د جانە بالتىق ەلدەرى كينوسىنىڭ اشىق كينوفەستيۆالىنىڭ نەگىزگى بايقاۋىنا قاتىسقان، سونداي- اق بەلارۋسيادا وتكەن «ليستوپاد» حالىقارالىق كينوفەستيۆالىندە ۇزدىك سەناري ءۇشىن قازىلار القاسىنىڭ ارنايى جۇلدەسىمەن جانە يۋنيسەف قورىنىڭ سىيلىعىمەن ماراپاتتالعان.
سونىمەن قاتار، بىلتىر بۇل فيلم «ۇزدىك دەبيۋت» نوميناتسياسى بويىنشا قازاقستان كينەماتوگرافيستەر وداعىنىڭ «قۇلاگەر» جۇلدەسىنە يە بولدى.
