قاراعاندىدا العاشقى يادرولىق مەديتسينا ورتالىعى اشىلادى
يادرولىق مەديتسينا ورتالىعى كەلەسى جىلدىڭ سوڭىندا «وبلىستىق ونكولوگيالىق ديسپانسەر» ك م ك بازاسىندا جۇمىس ىستەيدى. ورتالىقتا پ ە ت/ك ت اپپاراتى ورناتىلادى. ول راديونۋكلەيدتى دياگنوستيكانى جۇرگىزۋگە، ىسىك قۇرىلىمىن جانە فۋنكتسيونالدىق ەرەكشەلىكتەرىن مولەكۋلالىق دەڭگەيدە باعالاۋعا مۇمكىندىك بەرەدى. ءادىس اۋرۋدىڭ ەرتە ساتىسىندا كىشى ىسىك وشاقتارىن انىقتاۋعا جانە ىسىكتەردىڭ ورنالاسۋى مەن شەتتەرى تۋرالى ناقتى دەرەكتەرمەن ادام اعزاسىنىڭ ءۇش ولشەمدى بەينەسىن الۋعا مۇمكىندىك بەرەدى.
قازاقستاندا وسىنداي ءتورت اپپارات بار: ونىڭ ۇشەۋى نۇر- سۇلتاندا جانە بىرەۋى الماتىدا. ازىرگە قاتەرلى ىسىككە شالدىققان قاراعاندىلىقتارعا زەرتتەۋدەن ءوتۋ ءۇشىن وسى قالالاردىڭ بىرىنە بارۋعا تۋرا كەلەتىن. قازىر كەزەكتى كۇتۋ ۋاقىتى ءۇش ايعا جۋىق. قاراعاندىدا يادرولىق مەديتسينا ورتالىعىنىڭ پايدا بولۋىمەن ول ايتارلىقتاي قىسقارادى. ورتالىق قۇرۋ تۋرالى شارتقا وسى اپتادا قول قويۋ جوسپارلانۋدا.
اۆتور اگاتا مۋحامەدجانوۆا
