جەكي چان ءولىم اۋزىنان قالدى
اكتەر دجەكي چان كەزەكتى فيلمنىڭ تۇسىرىلىمىندە اتىس-شابىس قويىلىمىن ويناۋ بارىسىندا قايتىس بولا جازدادى.
ونىڭ سوزىنشە، وقيعا «اۆانگارد» تريللەرىنىڭ ءتۇسىرىلىمى كەزىندە بولعان. تەڭىزدەگى «اتىس» بارىسىندا 65 جاستاعى اكتەر تاس استىندا قالىپ قويىپ، باتىپ كەتە جازداعان.
بۇل وقيعا فيلم رەجيسسەرى ستەنلي تۋندى قاتتى قورقىتتى. دجەكي چان ونى ساباسىنا ءتۇسىرىپ، ءتۇسىرىلىمدى جالعاستىرۋدى سۇراعان.
مەن ومىرىمە قانشالىقتى قاۋىپ تونگەنىن كەيىن ۇقتىم. مەن، شىنىمەن، قايتىس بولىپ كەتۋىم مۇمكىن ەدى، - دەيدى اكتەر.
ءوز كارەراسى بارىسىندا 65 جاستاعى دجەكي چان كوپ جاراقات العان، سەبەبى ول بارلىق تريۋكتى ءوزى ورىندايدى.
ايتا كەتەيىك، «اۆانگارد» فيلمى 2020 -جىلدىڭ قاڭتار ايىنىڭ سوڭىندا شىعادى. سيۋجەت بويىنشا «اركتيكا قاسقىرلارى» اتتى جالدامالى قىلمىسكەرلەر ۇلى بريتانيادا قىتاي كاسىپكەرىنىڭ قىزىن ۇرلاپ كەتەدى. تۇتقىنعا تۇسكەن ادامداردى قۇتقارۋدىڭ جالعىز جولى - عىلىم مەن تەحنيكانىڭ ەڭ وزىق ۇلگىسىن پايدالاناتىن حالىقارالىق قاۋىپسىزدىك قىزمەتى.
