بايقوڭىردان «ەلەكترو-ل» مەتەرولوگيالىق جەر سەرىگى ۇشىرىلدى
«پروتون» زىمىرانىنىڭ ۇشىرىلۋ بارىسى تىكەلەي ەفيردە كورسەتىلدى. «يۋجنىي» عارىش ورتالىعىنىڭ ماماندارى بايقوڭىر عارىش ايلاعىنان ۆيدەورەپورتاج جۇرگىزدى.
ۇشىرۋ شتاتتىق رەجيمدە ءوتتى. «پروتون-م» زىمىرانىنان ءبولىنىپ تۇسكەن قالدىقتار قازاقستاننىڭ قاراعاندى وبلىسى مەن رەسەيدىڭ التاي ايماقتارىنا تۇسكەن.
«ەلەكترو» جەلىسىندەگى رەسەيدىڭ عارىش قۇرىلعىلارى اتتاس گەوستاتسيونارلى گيدرومەتەرولوگيالىق عارىش جۇيەسى جانە رەسەي فەدەرالدى قىزمەتى ءبولىمىنىڭ قورشاعان ورتاعا مونيتورينگ جاساۋ جانە گيدرومەتەرولوگيامەن قامتاماسىز ەتۋ قۇرامىنا كىرەدى.
«پروتون-م» زىمىرانىن ءساتتى ۇشىرعان «روسكوسموس» بايقوڭىرداعى 2019-جىلعى باعدارلاماسىن اياقتادى.
