ەلوردالىق مۇگەدەكتىگى بار چەرليدەرلەر ەۋروپا چەمپيوناتىندا ەل نامىسىن قورعايدى

ەندى 2020-جىلى جەرلەستەرىمىز ەۋروپا چەمپيوناتىندا قازاقستان نامىسىن قورعايدى، دەپ حابارلايدى قازاقپارات ءتىلشىسى.

«ءبىزدىڭ ءبي توبىمىزعا 1 جىل عانا بولدى. قۇرامىندا 15 ادام بار، ونىڭ 7 ءى رەسەيدە وتكەن چەرليدەر بايقاۋىنا قاتىستى. كومانداعى بالالاردىڭ جاستارى ءارتۇرلى ەڭ كىشىسى 7 دە بولسا، ەڭ ۇلكەنى 20 دا. بارلىعى دا ەرەكشە كۇتىمدى تالاپ ەتەدى جانە دياگنوزدارى ءارتۇرلى. سايىستا رەسەيدەن كوپ كوماندا قاتىستى، ءبىز ءوزىمىزدى جوعارى دەڭگەيدە كورسەتە بىلدىك. ءبىراق ءبىز بۇنىمەن توقتاپ قالماۋىمىز كەرەك. سەبەبى الدا ەۋروپا چەمپيوناتى، وسى جارىستىڭ جەڭىمپازى رەتىندە ءبىز حالىقارالىق چەرليدەرلەر قاۋىمداستىعىنان 2020-جىلى يتاليادا وتەتىن ەۋروپا چەمپيوناتىنا شاقىرتۋ الدىق. سوندىقتان الدا قىزۋ دايىندىق كۇتىپ تۇر»، - دەدى استانالىق «يسكرا» ءبي توبىنىڭ جاتتىقتىرۋشىسى ولگا كۋراكينا.

ونىڭ ايتۋىنشا، بۇل جارىسقا ەرەكشە بالالار 3 ايدان استام ۋاقىت دايىندالعان.

«دايىندىق ءوز ناتيجەسىن بەرىپ 1- ورىن الدىق. سايىس بىرنەشە نوميتسيادان تۇردى. ءبىز جەكە جانە توپتىق قۇراممەن دە ونەر كورسەتتىك. بۇعان دەيىن ءبىزدىڭ بالالار ەلوردادا وتكەن قالالىق سايىسقا قاتىستى. بالالار بۇل سايىسقا دەمەۋشىلەردىڭ قولداۋىمەن باردى»، - دەدى ول.

جەڭىمپازداردى ەلوردانىڭ ۆوكازالىنان اتا-انالارىمەن مەن تۋىستارى كۇتىپ الدى.

«ماعان جارىسقا قاتىسقان ۇنادى. بيمەن اينالىسقانىما 1 جىل بولدى. ماعان چەرليدەر بولعان ۇنايدى، بۇعان دەيىن دە وسى سياقتى سايىستارعا قاتىسقانمىن. ءبىز جارىستىڭ اراسىندا قالا ارالاپ، كۆەست وينادىق، مەن قۋانىشتىمىن»، - دەيدى «يسكرا» ءبي توبىنىڭ 12 جاسار مۇشەسى كاميللا ايدىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى