فۋتبول: قازاقستان قۇراماسى ارمەنيامەن جولداستىق كەزدەسۋ وتكىزەدى

قازاقستان فۋتبول فەدەراتسياسى ءمالىم ەتكەنىندەي، الداعى جىلدىڭ 23-30 - ناۋرىز كۇندەرى ۇلتتىق قۇراما «تالعار» بازاسىندا وقۋ- جاتتىعۋ جيىنىن وتكىزەدى.

وسى دايىندىق اياسىندا 27 - جانە 30 - ناۋرىز كۇندەرى ەكى جولداستىق كەزدەسۋ وتكىزۋ جوسپارلانعان. ارمەنيا مەن قازاقستان قۇرامالارى 30 - ناۋرىزدا الماتىدا جاسىل الاڭعا شىعادى. ەكىنشى قارسىلاس كەيىن انىقتالادى.

ارمەنيا قۇراماسىن 52 جاسار مامان ابراام حاشمانيان جاتتىقتىرادى.

بيىل مارەگە جەتكەن 2020 -جىلعى ەۋروپا چەمپيوناتىنىڭ ىرىكتەۋ كەزەڭىندە ارمەنيا J توبىندا يتاليا، فينليانديا، گرەكيا، بوسنيا جانە گەرتسەگوۆينا، ليحتەنشتەين قۇرامالارىمەن سىنعا ءتۇستى. قورىتىندىدا 10 ۇپاي جيناعان ارمياندار ءوز توبىندا بەسىنشى ورىنعا تابان تىرەدى.

فيفا رەيتينگىندە ارمەنيا 102- ءىنشى، قازاقستان 118-ورىندا كەلەدى.

چەحيالىق مامان ميحال بيلەكتىڭ باسشىلىعىمەن قازاقستان قۇراماسى ەۋروپا بىرىنشىلىگىنىڭ ىرىكتەۋ تۋرنيرىندە I توبىندا بەلگيا، رەسەي، شوتلانديا، كيپر جانە سان- مارينومەن ويناپ، 10 ۇپايمەن بەسىنشى ورىنعا ىلىگىپ، 2008 -جىلعى وسىنداي جارىستاعى ناتيجەنى قايتالاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى