ماعزۇم مىرزاعاليەۆ: سەكسەۋىل - كاۋاپ پىسىرەتىن اعاش ەمەس
«سەكسەۋىلدى ساقتاپ قالۋ ماسەلەسىنە ەرەكشە توقتالعىم كەلەدى. الەم بويىنشا سەكسەۋىلدىڭ نەگىزگى بولىگى ءبىزدىڭ جەردە وسەتىندىكتەن، ونى ۇرپاققا امانات ەتۋ ءىسىنىڭ ماڭىزى زور»، - دەدى مينيستر وكق- دا وتكەن باسپا ءسوز ءماسليحاتىندا.
مينيستر 2023 -جىلعا دەيىن سەكسەۋىلدىڭ بارلىق ءتۇرىن شابۋعا تىيىم سالىنعانىن ەسكە سالدى. 2017 -جىلدان باستاپ رەسپۋبليكانىڭ ساۋدا نۇكتەلەرىندە سەكسەۋىلدى ساتۋعا شەكتەۋ قويىلعان.
«بۇل ىسكە باسىمدىق بەرۋىمىز كەرەك. ونىڭ نەگىزگى ەكى سەبەبى بار: ءبىرىنشىسى - دالانىڭ شولگە اينالىپ كەتپەۋىمەن كۇرەس. ەكىنشىسى، توپىراقتىڭ تۇزدانىپ كەتۋىنىڭ الدىن الۋ كەرەك. سول سەبەپتى، سەكسەۋىلدى ساقتاپ قالۋ ءۇشىن جەكە باعدارلاما دايارلادىق. وسى رەتتە مەيرامحانالار مەن ءدامحانالاردىڭ يەلەرىن سەكسەۋىلدى جاقپاۋعا شاقىرامىن. سەبەبى، ول - ۇلتتىق قۇندىلىعىمىز. وكىنىشكە قاراي، ول قاسيەتتى اعاشتى برەندىمىز دەپ بىلمەي، كاۋاپ پىسىرۋعا پايدالاناتىندار بار. بۇل ماسەلەگە كەلگەندە تۇپكىلىكتى وي- پايىمدارىمىزدى وزگەرتۋىمىز كەرەك»، - دەدى ول.
اۆتور ايان بەكەن ۇلى
