سەمەيدە ابايدىڭ كىسە بەلبەۋى تابىلدى
سەمەي قالاسىنداعى وبلىستىق تاريحي- ولكەتانۋ مۇراجايىنىڭ ديرەكتورى قايرات سابىربايەۆ قوردا 1894 -جىلعى تىركەۋ داپتەرى بار ەكەنىن، سول ارقىلى ءبىر كەزدەرى ولكەتانۋ مۇراجايىنا تاپسىرىلعان زاتتاردىڭ ءبىرى ابايعا تيەسىلى ەكەنى انىقتالعانىن ايتتى.
«داپتەردە بەلبەۋدىڭ يەسى شىڭعىس بولىسىنداعى يبراھيم قۇنانباي ۇلى دەپ جازىلعان. بۇل زاتتى مۇراجايعا قور ساقتاۋشى قابىلداپ العان. ءبىراق كىمنەن قابىلداپ العانىن داپتەردە جازباعان»، - دەپ ءتۇسىندىردى ق. سابىربايەۆ.
كۇمىسپەن كومكەرىلگەن بەلبەۋ اباي مۇراجايىنا تاپسىرىلدى.
اۆتور: ورال ەرلان ۇلى
