بانگلادەشتە وتەتىن كينوفەستيۆالگە «قازاقفيلم» تۋىندىلارى قاتىسادى

اتالمىش شارانى وتكىزۋ كەلەر جىلى قاڭتاردىڭ 10 ى مەن 19 ى ارالىعىنا جوسپارلانعان، دەپ حابارلايدى قازاقپارات «قازاقفيلم» كينوستۋدياسىنا سىلتەمە جاساپ.

داككاداعى حالىقارالىق كينوفەستيۆال 1992 -جىلدان بەرى Rainbow Film Society قاۋىمداستىعىنىڭ ۇيىمداستىرۋىمەن وتكىزىلىپ كەلەدى. بايقاۋدىڭ ماقساتى - كينوسۇيەر قاۋىمدى الەمدەگى جاڭا فيلمدەرمەن تانىستىرىپ، كينو قايراتكەرلەردىڭ شەبەرلىگىن جانە كينو ءوندىرىسى جۇمىستارىن جەتىلدىرۋ.

Dhaka International Film Festival بانگلادەشتە وتەتىن ەڭ بەدەلدى فەستيۆالدەردىڭ ءبىرى.

«شىراقشى» فيلمى ەكىنشى دۇنيەجۇزىلىك سوعىس كەزىندە نەمىس قاريادان كينواپپارات سىيعا العان سولدات تۋرالى. سوعىستان سوڭ ەلگە ورالعان ول قارتايعان شاعىنا دەيىن ەل ارالاپ، كينواپپاراتپەن ەسكى فيلمدەردى كورسەتۋمەن اينالىسادى. بۇل تۋىندى 23 - قاڭتاردان باستاپ پروكاتقا شىعادى.

ال «بالۋان شولاق» كارتيناسى ەسىمى تاريحتا قالعان پالۋان، ءانشى ءارى كومپوزيتوردىڭ ءومىرى تۋرالى باياندايدى. قازاقستاندىق پروكاتقا بۇل فيلم بيىل كوكتەمدە شىققان بولاتىن.

ەكى فيلمدى دە ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسى تۇسىرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى