مىندەتتى الەۋمەتتىك مەديتسينالىق ساقتاندىرۋدى ەنگىزۋدە ەش كەدەرگى جوق- بەردىبەك ساپاربايەۆ
«ءاربىر مەملەكەتتىڭ، ۇلتتىڭ بولاشاعى بىردەن-ءبىر سول مەملەكەتتىڭ ازاماتتارىنىڭ بىلىمىنە، دەنساۋلىعىنا، مادەنيەتىنە، تاربيەسىنە بايلانىستى. وسى 28 -جىل ىشىندە قازاقستاندا دەنساۋلىق سالاسىنا قانداي كوڭىل بولىنگەنىن وزدەرىڭىز كۇندەلىكتى ومىردەن جاقسى بىلەسىزدەر. ونىڭ ەڭ ءبىر نەگىزگى ايعاعى - قازىرگى ۋاقىتتا قازاقستاندىقتاردىڭ ءومىر ءسۇرۋ ۇزاقتىعىنىڭ 75 جاسقا جەتكەنى. بۇل ۇلكەن كورسەتكىش. 28 جىل ىشىندە بۇل مەرزىم ورتا ەسەپپەن 10 جىلعا ءوستى. وسىنىڭ ءبارى مەملەكەتتىڭ جۇرگىزگەن ساياساتىنىڭ، وسى سالاعا قولداۋىنىڭ ناتيجەسى»، - دەدى ب. ساپاربايەۆ «م ءا م س: قازاقستاندىق مەديتسينانىڭ جاڭعىرۋى» فورۋمىندا.
ونىڭ ايتۋىنشا، قازاقستاندىق دارىگەرلەردىڭ حالىقارالىق بەدەلى بار جانە وزگە مەملەكەتتەردىڭ ازاماتتارىنا دا مەديتسينالىق كومەك كورسەتىپ ءجۇر. مەديتسينالىق قىزمەت ساپاسىن جاقسارتا ءتۇسۋ ءۇشىن كەلەسى جىلى ەلىمىزدە مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلەدى.
«ءبىز قازاقستاننىڭ بارلىق ءوڭىرىن ارالاپ، تۇرعىندارعا م ءا م س جۇيەسىنىڭ ارتىقشىلىقتارىن تۇسىندىردىك. %99 دايىندىق بار دەپ ايتۋعا بولادى. ءبىز ءۇشىن ەڭ باستىسى مەديتسينالىق قىزمەت الاتىن تۇرعىنداردىڭ تىركەۋگە تۇرۋى جانە ساناتى. م ءا م س بويىنشا مەملەكەت ەسەبىنەن تۇرعىنداردىڭ 15 ساناتى (10 ميلليون ادام) تەگىن قىزمەت الا الادى. قالعان 8 ميلليون حالىق ءوز ەسەبىنەن نەمەسە جۇمىس بەرۋشىلەر تاراپىنان قامتاماسىز ەتىلەدى. ازىرگە جەرگىلىكتى اتقارۋ ورگاندارىمەن بارلىق جۇمىستى بىتىردىك»، - دەدى ۆيتسە-پريەمەر.
قاراعاندى وبلىسىندا جۇرگىزىلگەن پيلوتتىق جوبانىڭ جاقسى ناتيجە كورسەتكەنىن جەتكىزدى. ءبىر ادامعا جۇمسالاتىن شىعىن شامامەن 2,5 ەسەگە جاقسارعان. كوپتەگەن ادامدار كومپيۋتەرلىك توموگرافيا مەن م ر ت ءوتۋ مۇمكىندىگىن العان.
«بۇل جۇمىستاردى جالعاستىرامىز جانە قارجىلاندىرۋ بويىنشا ەش كەدەرگى، ەش قيىندىق بولمايتىنىن ايتقىم كەلەدى. جالپى ەلىمىزدىڭ دەنساۋلىق ساقتاۋ جۇيەسى ءۇشىن شامامەن 1,5 تريلليون تەڭگە بولنەدى. قازىر الەۋمەتتىك مەديتسينالىق ساقتاندىرۋ قورىندا 270 ميلليارد تەڭگە بار. جىل سايىن جۇمىس بەرۋشىلەر مەن ءوزىن-ءوزى جۇمىسپەن قامتىعاندار ارقىلى 500-700 ميلليارد تەڭگە جيناۋ كەرەك. بۇل دەنساۋلىق ساقتاۋ جۇيەسىنە قوسىمشا قارجى كوزى بولادى»، - دەدى بەردىبەك ساپاربايەۆ.
