امەريكادا كۇي تارتقان قازاق جىگىتى ونەرىمەن شەتەلدى تامسانداردى

ۇلتتىق اسپاپتىڭ «Times Square» الاڭىندا كۇمبىرلەگەن ۆيدەوسى الەۋمەتتىك جەلىدە لەزدە تارادى دەپ حابارلايدى KAZ. NUR. KZ.

نۇر-سۇلتان اكىمدىگى مەملەكەتتىك اكادەميالىق فيلارمونياسىنىڭ حابارلاۋىنشا، ايبەك ارىمبەك قۇرمانعازىنىڭ «بالبىراۋىن» كۇيىن ورىنداعان.

«قورقىت» ءداستۇرلى مۋزىكا توبىنىڭ حالىقارالىق «قازاقستان الەمدىك فوتوگرافتار كوزىمەن» اتتى حالىقارالىق كورمەگە بارعان ۋاقىتىندا ارتىستەر نيۋ-يورك كوشەلەرىندە تىكەلەي يمپروۆيزاتسيالانعان مۋزىكالىق ەكسپرومت جاساۋدى شەشتى»، - دەدى فيلارمونيادا.

ال ءارتىستىڭ ءوزى كوپشىلىكتىڭ دومبىرا ۇنىنە قىزىعۋشىلىق تانىتقانىن ايتادى.

«ءبىزدىڭ ۇلتتىق اسپابىمىز دومبىرا ايگىلى «Times Square» الاڭىندا كۇمبىرلەگەنىن قالادىم. ءوتىپ بارا جاتقان ادام مۋزىكانىڭ ەرەكشە ۇنىنە تاڭ قالىپ، ۆيدوعا ءتۇسىرىپ جاتتى. ولار ءبىزدىڭ قاي مەملەكەتتەن كەلگەنىمىزدى سۇراپ، دومبىراعا قىزىقتى. مەن قازاقستان مەن ونىڭ مۋزىكاسى، وسىنداي رۋحاني بايلىعى ءۇشىن قاتتى ماقتاندىم»، - دەدى ايبەك ارىمبەك.

ايتا كەتەيىك، وسىعان دەيىن قازاقستاندىق ۆاينەر ەربول حامزا پاريج قالاسىنداعى ەيفەل مۇناراسىنىڭ الدىندا دومبىرامەن قۇرمانعازىنىڭ كۇيىن شەرتتى. قازاقستاندىق جىگىتتىڭ ونەر كورسەتكەن ءساتىن ارىپتەسى جانسەرىك قادىربايەۆ ءوز Instagram پاراقشاسىندا جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى