دۋبايداعى دۇنيەجۇزىلىك كورمەدەگى قازاقستاننىڭ پاۆيلونىنا قانشا قاراجات جۇمسالدى

بۇل تۋرالى ق ر ساۋدا جانە ينتەگراتسيا ءمينيسترى باقىت سۇلتانوۆ ايتىپ بەردى، دەپ حابارلايدى قازاقپارات ءتىلشىسى.

«بۇعان دەيىن دۋبايداعى قازاقستاننىڭ پاۆيلونىن ازىرلەۋ جۇمىستارى جۇرگىزىلدى، وعان بيۋدجەتتەن 9 ميلليارد تەڭگە ءبولىندى. بۇل قاراجات ەسەبىنەن ءبىزدىڭ پاۆيلون كەيىنىرەك قازاقستان اۋماعىنا جەتكىزىلەدى جانە ەلوردادا نەمەسە وڭىرلەردە وتاندىق ءونىمدى تانىستىرۋ بويىنشا قىزمەت ەتە بەرەدى»، - دەپ جاۋاپ بەردى مينيستر ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە ءتىلشى سۇراعىنا.

ايتا كەتەيىك، دۇنيەجۇزىلىك EXPO كورمەسى تاياۋ شىعىستا ءبىرىنشى رەت وتكەلى وتىر جانە ونى 25 ميلليون ادام تاماشالايدى دەپ كۇتىلۋدە. كورمە 2020 -جىلدىڭ 20 - قازانىنان 2021 -جىلدىڭ 10 - ءساۋىرى ارالىعىندا «بولاشاق ءۇشىن سانا- سەزىمدى بىرىكتىرۋ» تاقىرىبىندا وتەدى. ونىڭ ىشىندە «مۇمكىندىك»، «موبيلدىلىك» جانە «تۇراقتىلىق» ۇعىمدارىنا باسا ءمان بەرىلمەك.

كورمە كەشەنى «ءۇش جاپىراق» پىشىنىندە ۇسىنىلعان، ونىڭ ديامەترى 150 مەتردى قۇرايتىن ورتالىق نىسانى «ءال- ۆاسل» پلازاسى دەپ اتالادى. ورتالىق نىسان جانىندا بىرىككەن اراب امىرلىكتەرىنىڭ پاۆيلونى مەن 3 تاقىرىپتىق كلاستەر ورنالاسادى. ەكسپو كەشەنىنىڭ جالپى اۋماعى 438 گەكتاردى قۇرايدى. وندا 150 گ ا بولاتىن كورمە اۋماعى، جەرءۇستى مەترو ستانساسى، «Dubai South Mall» ساۋدا ورتالىعى، تۇرعىن ۇيلەر، لوگيستيكالىق جانە قوناق ءۇي نىساندارى بار.

اۆتور ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى