قازاقستاندىق «ەير استانا» ۇشاعىندا قوماقتى قاراجات ۇرلاعان قىتايلىق ايەل سوتتالدى

«نۇر- سۇلتان قالاسى اۋەجايىنىڭ جەلىلىك پوليتسيا بولىمىنە 40 جاستاعى قازاقستان ازاماتشاسى جۇگىنىپ، «ەير استانا» اۋە كومپانياسىنىڭ «بەيجىڭ- نۇر- سۇلتان» باعىتىنداعى اۋە كەمەسىمەن ۇشىپ كەلە جاتقاندا قول سومكەسىندەگى  4500 ا ق ش دوللارىنىڭ (1744290 تەڭگە) جوعالعانىن ايتىپ شاعىمداندى. كولىك پوليتسيەيلەرى جەدەل ىزدەۋ بارىسىندا وسى رەيسپەن ۇشىپ كەلگەن 1993 -جىلى تۋعان ق ح ر ازاماتشاسىن انىقتاپ، ۇستادى»، - دەپ اتاپ وتەدى دەپارتامەنتتەن.

ۆەدومستۆو مالىمەتىنشە، قىتاي ازاماتشاسىنىڭ سومكەسىن تەكسەرىپ قاراۋ بارىسىندا جوعالعان 1744290 تەڭگە تابىلعان.

«ق ح ر ازاماتشاسى كىناسىن تولىقتاي مويىندادى. ۇرلانعان اقشا تاركىلەنىپ، يەسىنە قايتارىلدى. نۇر- سۇلتان قالاسى ەسىل اۋداندىق سوتىنىڭ ۇكىمىمەن ق ح ر ازاماتشاسى قىلمىستىق كودەكستىڭ 188-بابى 3-تارماعى 1-تارماقشاسىندا كوزدەلگەن قىلمىستى جاساعانى ءۇشىن كىنالى دەپ تانىلدى. وعان شارتتى تۇردە 3 جىلعا باس بوستاندىعىن ايىرۋ، ءماجبۇرلى تۇردە قازاقستان رەسپۋبليكاسىنان تىسقارى شىعارۋ، 5 جىل مەرزىمگە قازاقستان رەسپۋبليكاسىنىڭ اۋماعىنا كەلۋگە تىيىم سالۋ جازاسى تاعايىندالدى» دەلىنگەن تاراتىلعان اقپاراتتا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى