ماماندار جەر بەتىندەگى ءولىم ايماقتارىن انىقتادى
بۇل جەر بەتىندە الىپ ءولىم ايماعىنىڭ - ءمۇحيتتىڭ ءومىر سۇرۋگە جارامسىز بولىكتەرىنىڭ پايدا بولۋىنا اكەلەدى، دەپ حابارلايدى CBS News.
عالىمداردىڭ باعالاۋى بويىنشا 1950 -جىلدان باستاپ مۇحيتتاعى وتتەگىنىڭ دەڭگەيى ەكى پايىزعا تومەندەدى، ال 1960 -جىلدان باستاپ وتتەگى تاۋسىلعان سۋ كولەمى ءتورت ەسە ءوستى. الپىس جىل بۇرىن گيپوكسيا دۇنيەجۇزىلىك مۇحيتتىڭ 45 ايماعىندا عانا بايقالدى، ءبىراق 2011 -جىلى بۇل سان 700 گە جەتتى. سونىمەن بىرگە مۇحيتتىڭ جوعارعى قاباتتارىنداعى وتتەگىنىڭ جوعالۋىنىڭ شامامەن 50 پايىزى كليماتتىڭ جىلىنۋىنان بولادى.
مامانداردىڭ ايتۋىنشا، اۋىلشارۋاشىلىق القاپتارىنان جانار- جاعارماي مەن تىڭايتقىشتاردىڭ اعىپ كەتۋىنە بايلانىستى سۋدىڭ جىلىنۋى (بالدىرلاردىڭ گۇلدەنۋىنە اكەلەدى) 2100 -جىلعا قاراي وتتەگىنىڭ مولشەرىن شامامەن 3-4 پايىزعا تومەندەتەدى. سونىڭ سالدارىنان اۋىر گيپوكسيا جاعدايىندا تەڭىز اعزالارى تىرشىلىك ەتە المايتىن ۇلكەن ءولى ايماقتار وسەدى.
