گەننادي گولوۆكين قاراعاندى وبلىسىنىڭ اكىمىمەن كەزدەستى
دەپ حابارلايدى قازاقپارات ءتىلشىسى.
«گەنناديي گولوۆكينمەن كەزدەسىپ، نيۋ- يوركتەگى جەڭىسىمەن قۇتتىقتاۋعا مۇمكىندىك تۋدى. بىرگە وتىرىپ قاراعاندى وبلىسىنىڭ سپورت سالاسىنىڭ دامۋىن تالقىلادىق. گەننادي ەرەكشە جىلىلىقپەن جانە قامقورلىقپەن «مايقۇدىقتىڭ» سپورت ينفراقۇرىلىمى تۋرالى سۇرادى. كەلەسى جىلى اتاقتى «ليتەيشيك» ستاديونىن قالپىنا كەلتىرۋمەن اينالىسامىز جانە ماگنيتوگورسكايا كوشەسىن تولىق جوندەۋدەن وتكىزەمىز دەپ ۋادە بەردىم»، - دەپ جازدى وبلىس اكىمى Facebook پاراقشاسىندا.
«ليتەيشيك» ستاديونى مايقۇدىق ىقشاماۋدانىندا ورنالاسقان. 70-80 -جىلدارى ول قالانىڭ تانىمال سپورت نىساندارىنىڭ ءبىرى بولدى. مۇندا 1979 جانە 1980 -جىلدارداعى قاراعاندى وبلىسىنىڭ چەمپيونى، 1980 -جىلعى قازسوۆپروف كۋبوگىنىڭ يەگەرى اتانعان «ليتەيشيك» زاۋىتىنىڭ فۋتبول كومانداسى ويناعان بولاتىن.
