تاريحي ويىن: «استانا» «مانچەستەر يۋنايتەدتى» ۇتتى

بۇعان دەيىن حابارلاعانىمىزداي، كەزدەسۋدىڭ ءبىرىنشى بولىگى 0:1 ەسەبىمەن قوناقتاردىڭ پايداسىنا شەشىلدى.

ەكىنشى تايمدا الاڭ يەلەرى باسىمدىق تانىتتى. قارىمتا شابۋىلداردىڭ بىرىندە رومان مۇرتازايەۆ ارىپتەسى دميتريي شومكوعا پاس بەردى. قاقپا الدىندا جالعىز قالعان شومكو قاقپاشىدان ايلاسىن اسىردى. ەسەپ تەڭەستى. «استانا» شابۋىلى ەسەلەنە بەردى. وڭ قاپتالدان شابۋىلعا قوسىلعان انتونيو رۋكاۆينانىڭ ۇمتىلىسى جەمىستى بولدى. ونىڭ سوققىسى «مانچەستەر يۋنايتەد» قورعاۋشىسى دي'شون بەرناردتىڭ اياعىنا ءتيىپ، قاپقاعا ەنىپ كەتتى. تورەشى اۆتوگول رەتىندە تىركەدى. ەسەپ - 2:1.

ودان ءارى «استانا» ويىنشىسى رۋنار سيگۋرونسون تابلوداعى ەسەپتى وزگەرتەتىن ءساتتى ءمۇلت جىبەرىپ الدى. ول دورين روتاريۋ اسىرعان دوپتى قاقپاعا قيىس ۇردى.

تورەشى قوسقان قوسىمشا ۋاقىتتا اناۋ ايتارلىقتاي وزگەرىس بولعان جوق. ويىن 2:1 ەسەبىمەن اياقتالدى.

وسىلايشا، «استانا» كومانداسى انگليانىڭ 20 مارتە چەمپيونى، چەمپيوندار ليگاسىنىڭ ەكى دۇركىن جەڭىمپازىنان باسىم ءتۇسىپ، قازاقستان فۋتبولىنداعى تاريحي جەڭىسىنە قول جەتكىزدى. سونىمەن قاتار، بۇگىنگى كەزدەسۋمەن ەلوردالىق ۇجىم ءوز الاڭىندا وتكىزەتىن بيىلعى ويىنداردى قورىتىندىلادى.

اۆتور: قاسقىرباي قويشىمانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى