الماتى وبلىسىندا تاۋداعى كولدەردىڭ جاعدايى تىكۇشاقپەن تەكسەرىلدى

مامانداردىڭ پىكىرىنشە، جاعداي قالىپتى، دەپ حابارلايدى قازاقپارات ءتىلشىسى.

جەتىسۋدىڭ تاۋلارىن تىكۇشاقپەن الماتى وبلىسىنىڭ باس پروكۋرورى ازامات جىلقىبايەۆ، الماتى وبلىسى اكىمىنىڭ ءبىرىنشى ورىنباسارى لياززات تۇرلاشوۆ، وبلىستىق ت ج د، «قازسەلدەنقورعاۋ» جانە «قازگيدرومەد» قىزمەتكەرلەرىمەن بىرلەسىپ تەكسەرىپ شىقتى.

«قازىرگى تاڭدا تاۋلى ايماقتاردا قار 10-15 س م قالىڭدىقتى قۇرايدى. ەشقانداي قاۋىپ جوق. وزەندەر بويىنشا دا جاعداي ءبىرقالىپتى»، - الماتى وبلىستىق ت ج د باسقارما باستىعىنىڭ ورىنباسارى قانات التىنبەكوۆ.

اۋەدەن بارلاۋ جۇمىستارى ەسكەلدى، اقسۋ، سارقان، الاكول اۋداندارىنىڭ اۋماعىن قامتىدى. جاۋاپتىلار تاۋ باسىنداعى قاردىڭ قالىڭدىعىن باعامداپ، مۇزدىق كولدەر مەن وزەندەردە قالىپتاسقان جاعدايدى سارالادى. اسىرەسە، قىزىلاعاش سۋ قويماسى، باسقان مەن سارقاننىڭ توعىسار تۇسىنا باسا نازار اۋداردى. ال، تەنتەك وزەنىنىڭ بويىنا اۋە كەمەسىن ارنايى قوندىرىپ، اتقارىلعان شارۋالاردى كوردى. وتكەن قىستا قاتىپ، ارتىنشا مۇز بەتىمەن اققان قىزىل سۋ ءۇشارالدىڭ شەتىندەگى ۇيلەردى شايىپ كەتۋگە شاق قالعان ەدى. جەرگىلىكتى اتقارۋشى بيلىك وكىلدەرى قاۋىپتى سەيىلتۋ ءۇشىن 6,5 شاقىرىمعا سوزىلعان بوگەت تۇرعىزدى. ارناسىن تەرەڭدەتىپ، سۋ وتكىزۋ مۇمكىندىگىن سەكۋندىنا 14 تەن 300 تەكشە مەترگە دەيىن جەتكىزگەن بولاتىن.

«مورەنالىق كولدەردىڭ جاعدايى قالىپتى. سۋ دەڭگەيى تومەن. سەبەبى قازىر مورەنالىق كولدەر قىسقى رەجيمدە جۇمىس ىستەۋدە. قازىرگى تاڭدا ول جاقتا قار ءتۇسىپ، سۋدىڭ دەڭگەيى ازداۋ بولىپ جاتىر»، - دەدى «قازسەلدەنقورعاۋ» م م الاتاۋ اۋماقتىق پايدالانۋ باسقارماسى فيليالىنىڭ باسشىسى مەيرام نۇرىمبەتوۆ.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى