عالىمدار مارستا ءۇي تۇرعىزىپ جاتىر
سونىڭ ىشىندە مارسقا جاسالىپ جاتقان ەكسپەديتسياعا توقتالايىق. بۇگىندە مارستى زەرتتەپ جاتقان عالىمداردىڭ باسىن قاتىرعان سۇراققا جاۋاپ تابىلدى.
ءۇي سالۋ ءۇشىن سۋ، كىرپىش جانە بەتون كەرەك ەكەنىن بىلەمىز. ال بۇل قاجەتتىلىكتەردى جەردەن الىپ شىعۋ مۇمكىن ەمەس. سەبەبى تارتىلىس كۇشى جوق كەڭىستىكتە اۋىر زاتتى تاسىمالداۋ اقىلعا قونىمسىز. ءبىراق عالىمدار اقىرى جاۋابىن تاۋىپ، ونى حالىققا ۇسىنىپ وتىر.
NASA ينجەنەرلەرى نە دەيدى؟ Scientific Reports جۋرنالىنىڭ جازۋىنشا، امەريكالىق اەروكسوموس اگەنتتىگى مارستا ءۇيدى قالاي تۇرعىزۋعا بولاتىنىن ويلاپ تاپقان. ول ءۇشىن الدىمەن 3D باسىپ شىعارۋ قۇرىلعىسى ىسكە قوسىلادى. وسى قۇرىلعىنىڭ كومەگى ارقىلى ءۇي سالۋ كوزدەلىپ وتىر. ءبىراق وعان دا سۋ كەرەك ەكەنىن ەسكەرۋ كەرەك.
ال عالىمدار كوپ ويلانباي، ونىڭ دا جاۋابىن تاپتى. ولار 3D باسىپ شىعارۋ قۇرىلعىسى ارقىلى كىرپىشتى وندىرە الاتىن بولىپ شىقتى. ءتىپتى وعان سۋدىڭ قاجەتتىلىگى دە جوق. ەڭ باستى جۇمىس تەك«باسىپ شىعارۋ».
عالىم برايان چوۋ جانە ونىڭ ارىپتەستەرى كاليفورنيا ۋنيۆەرسيتەتىنىڭ قابىرعاسىندا زور جەتىستىككە جەتتى. ولار گاۆاي ارالدارىنداعى جانارتاۋلاردان شىققان قالدىقتى قايناتىپ، ودان تەمىردىڭ ازداعان مولشەرىن ءوندىردى. ال ونىڭ قۇرامىن وزگەرتۋ ءۇشىن مينەرالدى زاتتاردى قوسپاعا جاراتقان. ناتيجەسىندە بۇل مينەرالدى زات كىرپىش سەكىلدى بەرىك بولعان. وسى جاڭالىق جۇزەگە اساتىن بولسا، مارسقا سۋ مەن كىرپىش تاسۋدىڭ قاجەتى جوق. تەك ءۇش مەترلىك باسىپ شىعارۋشى قۇرىلعى عانا قاجەت.
