جەمىس اۋرۋىنان زارداپ شەككەن باعباندار شىعىنىنىڭ ءبىر بولىگىن مەملەكەت وتەيدى
«جەمىس داقىلدارىنىڭ اسا قاۋىپتى اۋرۋى - باكتەريالدى كۇيىكپەن كۇرەستە مەملەكەت تاراپىنان وتاندىق باعباندارعا قولداۋ كورسەتىلەدى»، - دەدى ۆيتسە-مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، مەملەكەت باكتەريالدى كۇيىكتەن جويىلعان جەمىس اعاشتارىن وتىرعىزۋ مەن ءوسىرۋ شىعىنىنىڭ جارتىسىنا جۋىعىن سۋبسيديالايدى.
«مۇنداي نورما قازىرگى زاڭنامادا قاراستىرىلماعان بولاتىن. سوندىقتان، جاڭا نورما ەنگىزىلدى. ياعني، شارۋا جەمىس اعاشتارىنىڭ باكتەريالدى كۇيىگىنەن زارداپ شەكسە، مەملەكەت شىعىننىڭ ءبىر بولىگىن وتەپ بەرەدى»، - دەپ ءتۇسىندىردى ر. قۇرمانوۆ.
ەسكە سالا كەتسەك، بۇعان دەيىن ۆيتسە-مينيستر اۋىل شارۋاشىلىعىنا ەرىكتى ساقتاندىرۋ جۇيەسى ەنگىزىلەتىنىن حابارلاعان بولاتىن.
اۆتور: ايجان سەرىكجان قىزى
