قازاقستاندا ەلەكتر ەنەرگياسىنىڭ باعاسى قىمباتتايدى

«ەنەرگەتيكا سالاسىنداعى وكىلەتتى ورگاندار (ەنەرگەتيكا مينيسترلىگى) ايتقانداي، ستانتسيالار بويىنشا تاريف شامامەن %15 كوتەرىلدى. 44 ستانسيانىڭ 32 سى بويىنشا تاريف كوتەرىلدى. بۇل سوڭعى تۇتىنۋشىلىق باعاعا ازداپ اسەر ەتەدى»، - دەدى ق ر ۇ ە م تابيعي مونوپوليالاردى رەتتەۋ كوميتەتىنىڭ ءتوراعاسى اسان داربايەۆ ەلوردادا وتكەن باسپا ءسوز ءماسليحاتىندا.

ونىڭ ايتۋىنشا، ەلەكتر ەنەرگياسى ءتاريفى %6-7 كوتەرىلەدى دەپ كۇتىلۋدە.

«ناتيجەسىندە تۇتىنۋشىلار ءۇشىن باعا شامامەن %6-7 قىمباتتايدى. ودان ارتىق قىمباتتامايدى. مۇنداعى سۋبەكتىلەردىڭ كوپشىلىگى ءتاريفتى كوتەرۋ جۇمىستارىن كەلەسى جىلى باستايدى. وندا ءاربىر سۋبەكتىنىڭ تاريفتەرىن تەكسەرىپ شىعامىز»، - دەدى ا. داربايەۆ.

ونىڭ ايتۋىنشا، ەلەكتر ەنەرگياسىنىڭ جاڭا تاريفتىك مولشەرلەمەسى 2021 -جىلدان باستاپ كۇشىنە ەنەدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى