قانتتىڭ سۇلۋلىققا پايداسى

ال اس ءۇيدىڭ ءتاتتى تاعامىن قولدانا الامىز با؟ دەنە كۇتىمىنە بەتىمىزدەن باستاپ اياعىمىزعا دەيىن قانتتىڭ پايداسى كوپ. ارينە، تەك سىرتقى تەرىگە قولدانساق.

جىبەكتەي جۇمساق ەرىن

ساۋساعىڭىزدى سۋلاپ، سودان سوڭ قانتقا سالىڭىز. سول ساۋساعىڭىزبەن اينالدىرا قوزعاپ، ەرنىڭىزدى ۋقالاڭىز. ەگەر ەرنىڭىز قۇرعاق جانە كوپ جارىلاتىن بولسا، وسى ءادىس جاقسى كومەكتەسەدى. بۇل جەردە قانت سكرابتىڭ ءرولىن اتقارادى.

دەنەگە سكراب

بىرنەشە باناندى ەزىپ، پيۋرە جاساڭىز. سول بانان ەزبەسىن 1 ستاقان قانتپەن ارالاستىرىڭىز. ناتيجەسىندە دەنەگە ارنالعان ءتاتتى ءيىستى جانە ىلعالداندىرۋشى سكراب الاسىز. مۇنداي سكرابتى اپتاسىنا ءبىر رەت قولدانعاننىڭ ءوزى جارايدى. دەنەڭىزدىڭ جۇمسارا تۇسكەنىن بايقايسىز.

تەگىس كۇنگە كۇيۋ

ەگەر ءسىز جاعاجايعا سۋعا تۇسۋگە بارساڭىز، دەنەڭىز كۇنگە تەگىس كۇيۋ ءۇشىن مايلى سكراب قولدانىڭىز. قانتتى ءزايتۇن مايىمەن ارالاستىرىپ، ارقاڭىزعا، يىعىڭىزعا جانە اياقتارىڭىزعا جاعاسىز. سودان سوڭ جۋىپ تاستايسىز.

وكشەنى جۇمسارتۋ

قانتتىڭ اشى جالبىز مايىمەن قوسىندىسىنان وكشەگە ارنالعان سكراب الۋعا بولادى. ول تەرىنىڭ ولگەن جاسۋشالارىن قالپىنا كەلتىرىپ، تاباندى جۇمسارتادى. جالبىز مايى اياقتىڭ تەرلەۋىن دە كەتىرەدى.

لاس قولدى تازارتۋ

ەگەر باقشادا جۇمىس جاساساڭىز نەمەسە سۋرەت سالساڭىز، قولىڭىز قۇرعاقتانىپ، لاستانادى. قولىڭىزعا 1 اس قاسىق قانتتى سەۋىپ، جاقسىلاپ ۋقالاڭىز. قانت جۇمساق قاجاعىش رەتىندە قولدانىلادى. بارلىق كىردى كەتىرەدى.

جاس كورىنەتىن قول

قولىڭىزدىڭ تەرىسى كۇتىمدى، نازىك، جاس كورىنگەنىن قالايسىز با؟ 1 ستاقان قانتتى 1/3 ستاقان ءزايتۇن مايىمەن جانە 1 كاپسۋلا ە دارۋمەنىمەن ارالاستىرىڭىز. دايىن قوسىندىمەن قولىڭىزدى ۋقالاپ، جۋىپ تاستاڭىز. سودان سوڭ كەپتىرىپ، قولعا ارنالعان كرەم جاعىپ الىڭىز.

دەرەككوز: Reactor

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى