ۇلى بريتانيادا قازاق كينوسىنىڭ اپتالىعى اشىلدى

مادەني ءىس- شارانى رەجيسسەر ءسابيت قۇرمانبەكوۆتىڭ «ورالمان» فيلمى اشتى. شەتەلدىك كورەرمەنگە فيلمدى بەلگىلى كينودراماتۋرگ، قازاقستاننىڭ ەڭبەك سىڭىرگەن قايراتكەرى، كارتينانىڭ سەناري اۆتورى نۇرلان سانجار ۇسىندى. سالتاناتتى اشىلۋىندا ءسوز سويلەگەن قازاقستاننىڭ  ۇلى بريتانياداعى ەلشىسى ەرلان ىدىرىسوۆ كينو اپتالىعىنىڭ باعدارلاماسى شەتەلدىك كورەرمەندەرگە وتاندىق كينەماتوگرافيانىڭ بايلىعى مەن جان- جاقتىلىعىن اشىپ، قازاقستاننىڭ تاريحىمەن، مادەنيەتى جانە داستۇرىمەن تەرەڭ تانىسۋعا مۇمكىندىك بەرەتىنىن اتاپ ءوتتى.

 - كورەرمەندەر فيلمدى وتە جاقسى قابىلدادى. كورسەتىلىم كەزىندە جىلاعان كورەرمەندەر دە بولدى. قازاق كينوسى سوناۋ انگليادا كورسەتىلىپ، حالىقتىڭ كوڭىلدەرىنەن شىعىپ جاتقانىنا وتە قۋانىشتىمىن. وسىنداي مەرەكەلەر كوپ بولسىن، - دەدى نۇرلان سانجار.

كورسەتىلىمنەن كەيىن سەناريست ن. سانجار جانە «قازاقستانداعى فيلم جانە بىرەگەيلىك: ورتالىق ازياداعى كەڭەستىك جانە پوستكەڭەستىك مادەنيەت» كىتابىنىڭ اۆتورى، لينكولن ۋنيۆەرسيتەتىنىڭ ساياساتتانۋ دوتسەنتى دوكتور ريكو ايزەكستىڭ قاتىسۋىمەن پىكىرتالاس ءوتتى. قازاق كينوسىنىڭ اپتالىعى «رۋحاني جاڭعىرۋ» جانە «ۇلى دالانىڭ جەتى قىرى» باعدارلامالارىن جۇزەگە اسىرۋ اياسىندا ق ر  ۇلىبريتانياداعى ەلشىلىگى ق ر مادەنيەت جانە سپورت مينيسترلىگىنىڭ، سونداي- اق ش. ايمانوۆ اتىنداعى «قازاقفيلم» ا ق- نىڭ قولداۋىمەن ۇيىمداستىرىلدى.

Massaget.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى