وليمپياداعا دايىندىق: بەردىبەك ساپاربايەۆ ليتسەنزيالاردىڭ ازدىعىنا كەيىستىك تانىتتى
كەڭەسكە قاتىسۋشىلار بۇقارالىق سپورتتى ودان ءارى دامىتۋ شارالارىن، ۇلتتىق قۇراما كوماندالاردىڭ 2020-جىلعى توكيو وليمپياداسىنا جانە پاراليمپيادا ويىندارىنا دايىندىعىن، سونداي-اق باسقا دا وزەكتى ماسەلەلەردى تالقىلادى.
ق ر مادەنيەت جانە سپورت ءمينيسترى اقتوتى رايىمقۇلوۆا، ق ر ۇلتتىق وليمپيادالىق كوميتەتى سپورت ديرەكتسياسىنىڭ ديرەكتورى ەلسيار قاناعاتوۆ، ۇلتتىق پاراليمپيادا كوميتەتتىڭ اتقارۋشى ديرەكتورى ەرلان سۇلەيمەنوۆ، سپورت فەدەراتسيالارىنىڭ وكىلدەرى مەن ۇلتتىق قۇراما كوماندالاردىڭ باس جاتتىقتىرۋشىلارى ءسوز سويلەدى.
«وزدەرىڭىز بىلەتىندەي، ەل باسشىلىعى بۇقارالىق سپورتتى جانە جوعارى جەتىستىكتەر سپورتىن دامىتۋ جونىندە ناقتى مىندەتتەر قويدى. بۇقارالىق سپورت سالاسىنداعى باسىم باعىت ‒ ەل حالقىنىڭ جۇيەلى دەنە شىنىقتىرۋمەن جانە سپورتپەن اينالىسۋىن ارتتىرۋ. بيىل بۇل كورسەتكىش %30 جەتۋى كەرەك»، — دەدى ب. ساپاربايەۆ.
سونىمەن قاتار، ول 2020-جىلعى وليمپيادا ويىندارىنا ليتسەنزيالاردىڭ از الىنعانىنا نازار اۋداردى.
«وليمپيادا ويىندارىنا 8 اي قالدى، ءبىزدىڭ سپورتشىلار 21 ليتسەنزيا جەڭىپ الدى. ريو-دە-جانەيروداعى وليمپياداعا دەيىن بىزدە وسىنداي ۋاقىتتا 45 ليتسەنزيا بولعان. سىزدەردىڭ الدارىڭىزدا كەم دەگەندە 100 ليتسەنزيانى جەڭىپ الۋ مىندەتى تۇر»، — دەدى ۆيتسە-پرەمەر.
ا. رايىمقۇلوۆانىڭ ايتۋىنشا، ەلىمىزدە 38 مىڭ سپورت عيماراتى بار، ونىڭ ىشىندە 27 مىڭى ‒ ءبىلىم بەرۋ، 11 مىڭى ‒ سپورت نىساندارى. ستاتيستيكاعا سايكەس، 5,5 ميلليون قازاقستاندىق دەنە شىنىقتىرۋمەن جانە سپورتپەن تۇراقتى اينالىسادى.
مينيستر بۇقارالىق سپورتتى دامىتۋعا كەدەرگى كەلتىرەتىن ماسەلەلەردىڭ قاتارىندا نۇسقاۋشىلار مەن ادىسكەرلەردىڭ جەتىسپەيتىندىگىنە توقتالدى. اسىرەسە، اقمولا وبلىسىندا ماماندار تاپشى.
«سپورتتىق قۇرال- جابدىقتارمەن جاراقتاندىرۋدى دا جاقسارتۋ ارتىق ەتپەيدى. ءبىزدىڭ مالىمەتتەرىمىز بويىنشا، مەكتەپتەردىڭ تەك %66 عانا ارنايى سپورتتىق جابدىقتارمەن جاراقتاندىرىلعان»، — دەدى ول.
ءوز كەزەگىندە ە. قاناعاتوۆ توكيو وليمپياداسىندا 33 سپورت تۇرىنەن 339 مەدال جيىنتىعى وينالاتىنىن ايتتى. العاش رەت 5 سپورت ءتۇرى قوسىلدى، اتاپ ايتساق: كاراتە، قۇزعا ورمەلەۋ، بەيسبول، سكەيتبوردينگ جانە سەرفينگ.
«ريو-دە-جانەيروداعى وليمپيادادان كەيىن الداعى وليمپيادا ويىندارىنا دايىندىق بويىنشا كەشەندى شارالار ازىرلەندى. ەڭ الدىمەن، بىزدەگى ءالسىز پوزيتسيالار بار سالالارعا نازار اۋداردىق ‒ بۇل سپورت مەديتسيناسى جانە سپورتشىلاردىڭ جاتتىعۋى ءۇشىن جاعداي جاساۋ. قازىر سپورتتىڭ بارلىق تۇرلەرىندە قۇراما كوماندالاردا دارىگەرلەر، ماسساج جاساۋشىلار، ديەتولوگتار جانە باسقا دا ماماندار بار، ولار جاتتىعۋ جيىندارى مەن جارىستاردا كوماندالاردى سۇيەمەلدەپ جۇرەدى. بۇگىندە ءبىز 100 دەن استام سپورت مەديتسيناسى ماماندارىن تارتتىق، ولار جاتتىقتىرۋشىلار قۇرامىمەن بىرگە ۇلتتىق قۇراما كوماندالاردى دايىنداۋعا قاتىسۋدا»، — دەدى ە. قاناعاتوۆ.
ونىڭ ايتۋىنشا، دوپينگكە قارسى جۇمىسقا ەرەكشە نازار اۋدارىلادى. وسى توقساننىڭ وزىندە 15 سەمينار وتكىزىلدى. قازاقستاننىڭ ۇلتتىق دوپينگكە قارسى ورتالىعىمەن بەلسەندى ىنتىماقتاستىق ورناتىلعان.
بيىل قازاقستاندىق سپورتشىلار الەم چەمپيوناتتارىندا رەكوردتى 19 مەدال جەڭىپ الدى. بۇل، جاقسى الەۋەتتىڭ بارىن كورسەتەدى.
كەڭەستى قورىتىندىلاي كەلە، ۆيتسە-پرەمەر بارلىق مۇددەلى تاراپتاردىڭ ءوزارا ارەكەتتەسۋى قاجەت ەكەنىن اتاپ ءوتتى.
«بەيىندى مينيسترلىك، ۇلتتىق وليمپيادا كوميتەتى، فەدەراتسيالار جانە وڭىرلەر اراسىندا تىعىز ءوزارا ءىس-قيمىل ورناۋى كەرەك. سوندا ءبىز جاقسى ناتيجەلەرگە قول جەتكىزە الامىز. سونىمەن قاتار، بۇقارالىق سپورتتى دامىتۋعا بەلسەندى ارالاسۋ قاجەت. قازاقستاندا 11 مىڭنان استام سپورت نىسانى بار، مەكتەپتەردىڭ %86 سپورت زالدارىمەن جابدىقتالعان. بولاشاق چەمپيونداردى تاربيەلەۋ ءۇشىن بالالار مەن جاس وسپىرىمدەر سپورتىن دامىتۋ قاجەت، حالىق اراسىندا سپورت پەن سالاۋاتتى ءومىر سالتىن ناسيحاتتاۋ كەرەك. بارلىق مۇمكىندىكتەر جاسالعان. ۇكىمەت فەدەراتسيالاردى ۇنەمى قولداپ كەلدى جانە ودان ءارى قولداي بەرمەك. ءبىزدىڭ باستى مىندەتىمىز ‒ توكيو وليمپياداسىندا قازاقستاندى لايىقتى تۇردە كورسەتۋ»، — دەپ تۇيىندەدى ب. ساپاربايەۆ.
