جانىبەك ءالىمحان ۇلى قازاق بوكسى ءستيلىن تاريحتا قالدىرۋعا ۋادە بەردى
«بۇل جەكپە-جەك بۇرىنعىدان وزگەرەك بولادى. ءبىز دايىنبىز! بۇيىرتسا، وزدەرىڭىز كۇتكەننەن دە قىزىق جەكپە-جەك تاماشالايسىزدار! ماعان سەنىم ارتىپ، قولداپ، جىلى پىكىر جازىپ جاتقاندارىڭىزعا كوپ راحمەت. سىزدەر بولىپ، ءبىز بولىپ ءالى الەمدى شۋلاتامىز. ءبىز QAZAQ STYLE- دى تاريحتا قالدىرامىز»، - دەپ جازدى جانىبەك ءالىمحان ۇلى Instagram-پاراقشاسىندا.
ەسكە سالا كەتسەك، جانىبەك ءالىمحان ۇلى كەزەكتى جەكپە-جەگىن 39 جاستاعى كانادالىق بوكسشى البەرت ونولۋنوسقا قارسى وتكىزەتىنى بۇعان دەيىن حابارلانعان بولاتىن. 26 جاستاعى قازاقستاندىق بوكسشى ءوزىنىڭ ورتا سالماقتاعى WBC Continental Americas تيتۋلىن 9- قاراشادا فرەسنو قالاسىندا (كاليفورنيا، ا ق ش) قورعايدى.
ول سوڭعى جەكپە-جەگىن 17- تامىزدا لوس-اندجەلەستە وتكىزدى. بەسىنشى راۋندتا كانادالىق ستيۋارت ماكلەللاندى نوكاۋتقا جىبەرىپ، WBC Continental America جانە WBO Global ورتاشا سالماق دارەجەسىن قورعاعان بولاتىن.
