گەرمانيادا مامان تاپشىلىعى ماسەلەسى كۇردەلەنىپ بارادى

ساراپشىلاردىڭ سوزىنە سەنسەك، 2030 -جىلعا قاراي مەملەكەتتىك مەكەمەلەردىڭ وزىنە ІТ سالاسىندا جۇمىس ىستەيتىن 730 مىڭ مامان قاجەت بولادى. بۇدان بولەك، گەرمانياعا ەلەكتريكتەر مەن قارت كىسىلەرگە كۇتىم جاسايتىن جاندار جانە جۇك كولىگى جۇرگىزۋشىلەرى دە كەرەك ەكەن.

 ال 2027 -جىلعا قاراي جۇك كولىگى جۇرگىزۋشىلەرىنە دەگەن قاجەتتىلىك 185 مىڭ ادامعا ارتادى دەگەن بولجام بار. وسى رەتتە بەرتەلسمان قورى ماماندارى، كادر تاپشىلىعى ماسەلەسىن تۇبەگەيلى شەشۋگە سىرتتان كەلەتىن ماماندار كومەكتەسە الاتىنىن ايتادى. ولاردىڭ ەسەبى بويىنشا 2060 -جىلعا دەيىن اتالعان ماسەلەنى شەشۋ ءۇشىن جىل سايىن گەرمانياعا 260 مىڭ مامان تارتىلۋى كەرەك.

 ۆولفگانگ شپيسس، پوتسدام قالاسىنىڭ ساۋدا- ونەركاسىپتىك پالاتاسى ديرەكتورى:

 - كادرلار تاپشىلىعى جەرگىلىكتى حالىقتىڭ قارتايۋىنان تۋىنداپ وتىر. تاعى ءبىر سەبەپ -  جاستاردىڭ جوعارى ءبىلىم الۋ ماقساتىمەن ۋنيۆەرسيتەتتەرگە وقۋعا تۇسۋىندە. سوندىقتان كەي سالادا ماماندار سانىنىڭ كوپتىگى بايقالادى.

 جالپى كاسىپورىندار ءتيىمدى جۇمىس ىستەۋى ءۇشىن وندا جوعارى بىلىكتى ماماندارمەن قاتار، مامانداندىرىلعان تەحنيكالىق ۋچيليشەنى بىتىرگەن جۇمىسشىلار دا قاجەت. ماسەلەن، براندەنبۋرگ ايماعىنا قازىرگى تاڭدا لوگيستيكا سالاسىنىڭ ماماندارى جەتىسپەيدى. ترامۆاي، اۆتوبۋس، جۇك كولىگى جۇرگىزۋشىلەرى اسا قاجەت. بۇدان بولەك گەرمانيادا سيفرلىق تەحنولوگيانىڭ دامۋىنا بايلانىستى ІТ ماماندارىنا سۇرانىس جوعارى بولىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى