شەتەلدىكتەردىڭ قازاقستانعا كەلۋىن جەڭىلدەتۋ جۇمىسى قالاي جۇرگىزىلىپ جاتىر

«مەملەكەت باسشىسى ءسوز قوزعاعان ماسەلە بويىنشا، اتاپ ايتقاندا شەتەلدىكتەردىڭ تىركەۋىن جەڭىلدەتۋ تۋرالى باستاما كەڭ تالقىلانىپ جاتىر. قازىرگى ۋاقىتتا قازاقستان راتيفيكاتسيالاعان كەلىسىمگە سايكەس، ەلدە تىركەۋدەن وتۋدەن 30 كۇنگە دەيىن 57 مەملەكەتتىڭ ازاماتى بوساتىلعان. ياعني، ول ەلدىڭ ازاماتتارى مەملەكەتتىك شەكارادان وتكەن كەزدە- اق تىركەۋدەن وتەدى. ول تۋرالى، بالكىم، قازاقستانعا كەلگەن ۆيزاسى بار شەتەلدىك بىلمەۋى دە مۇمكىن. ءبىراق، مۇنداي ءتارتىپ ءبىزدىڭ ەلدە كۇشىندە»، - دەدى گالينا سارسەنوۆا ءى ءى م- دە وتكەن باسپا ءسوز ءماسليحاتىندا.

كوميتەت وكىلىنىڭ ايتۋىنا قاراعاندا، 2018 -جىلى قازاقستانعا شەتەلدەن شاقىرىلعان ازاماتتاردى تىركەۋ پروتسەسى ەنگىزىلگەن. ياعني، شاقىرتۋدى تاپسىرىپ، ەلگە كىرۋ ءۇشىن ۆيزانى الار كەزدە شەتەل ازاماتى قاي جەردە بولاتىنىن، كىمنىڭ شاقىرتقانىن، قانداي ماقساتتا كەلگەنىن بىردەن كورسەتەدى. ول مالىمەتتىڭ ءبارى وسىدان كەيىن ءتيىستى «بۇركىت» اتتى اقپاراتتىق جۇيەگە ەنگىزىلەدى.

«سول جۇيەدە ەلىمىزدىڭ قاي جەرىن ارالايتىنى دا كورسەتىلەدى. اتالعان قىزمەت شەتەلدىكتەردى ەلەكتروندى تۇردە تىركەۋ مۇمكىندىگىنە جول اشتى. سوندىقتان، بۇل جاعدايدا دا تىركەۋ جۇرگىزىلمەيدى. قازىرگى تاڭدا ءبىزدىڭ ەلىمىزدە 9 مەملەكەتتىڭ ازاماتى پوليتسياعا كەلىپ تىركەلۋى ءتيىس. ولار: ارگەنتينا، ارمەنيا، گرۋزيا، مولدوۆا، موڭعوليا، ازەربايجان، سەربيا، گون- كونگ (قىتاي) جانە وزبەكستان. تىركەۋ تۋرالى بۇل نورمالاردىڭ بارلىعى دا بۇرىن مەملەكەتتەر اراسىندا بەكىتىلگەن حالىقارالىق كەلىسىمدەرگە نەگىزدەلگەن»، - دەدى ول.

گالينا سارسەنوۆانىڭ سوزىنە سەنسەك، قازىرگى تاڭدا قازاقستاندا 17 كوشى- قون حالىققا قىزمەت كورسەتۋ ورتالىعى بار.

«تىركەۋدەن ءوتۋى ءتيىس شەتەلدىك ازاماتتار سول ورتالىققا بارا الادى. ول جەردە ۋاقىتشا كەلگەن ورنى تىركەلىپ، اۆتوماتتى تۇردە ەڭبەك پاتەنتتەرى بەرىلەدى. قازىرگى ۋاقىتتا ح ق و- لاردا قازاقستان اۋماعىنا شاقىرتۋدى ەلەكتروندى تۇردە رەسىمدەۋ، شەتەلدىكتىڭ ءوزىنىڭ ميگراتسيالىق پورتال ارقىلى تىركەلۋى قولجەتىمدى. بيىل وسى قىزمەت ارقىلى 100 مىڭ شەتەلدىك پورتال ارقىلى تىركەلدى. قازىرگى ۋاقىتتا «ە- وتەل» ارنايى جۇيەسىن ەنگىزگەلى جاتىرمىز. ول بويىنشا، زاڭدى تۇلعالار، ونىڭ ىشىندە قوناق ۇيلەر شەتەل ازاماتىن ورنالاستىرۋمەن بىرگە ەل اۋماعىنا تىركەي الادى. ياعني، قوناق ۇيلەردىڭ اكىمشىلەرى شەتەل ازاماتىن ح ق و- عا ساندالتپايدى. سونىمەن بىرگە، س م س- حابارلامانى ۆيزالىق ميگراتسيالىق پورتالعا حابارلاما جىبەرە الادى. اتالمىش پورتال شەتەلدىكتىڭ قازاقستاندا ءجۇرۋىن ۇيلەستىرە الادى»، - دەدى ول.

ەسكە سالا كەتسەك، ق ر پرەزيدەنتى قاسىم- جومارت توقايەۆ الماتى قالاسىن دامىتۋ ماسەلەلەرى جونىندە كەڭەستە جۋىق ارادا شەتەلدىكتەردى مىندەتتى تىركەۋ سياقتى اناحرونيزمنەن قۇتىلۋ كەرەكتىگىن ءمالىم ەتكەن ەدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى