ەلوردادا «ءابىش الەمى» اتتى شىعارماشىلىق بايقاۋ وتەدى
دەپ حابارلايدى قازاقپارات ۇيىمداستىرۋ كوميتەتىنە سىلتەمە جاساپ.
كونگرەسس اياسىندا «ءابىش الەمى» شىعارماشىلىق كونكۋرسى وتەدى.
شىعارماشىلىق كونكۋرستىڭ ماقساتى: جازۋشىنىڭ سانالۋان تاقىرىپتاعى شىعارمالارى مەن ەڭبەكتەرىن قايتا وقىپ، زەردەلەي ءتۇسۋ ارقىلى ونىڭ سانقىرلى تالانتىنا تاعزىم ەتۋ جانە ونى الەم جۇرتشىلىعىنا تانىتۋ.
كونكۋرس مىنا اتالىمدار (نوميناتسيالار) بويىنشا جاريالانادى:
«ءابىش كەكىلبايەۆ - زاڭعار جازۋشى» (قالامگەرلىك قىر- سىرى)؛
«ءابىش كەكىلبايەۆ - زاماناۋي ويشىل» (فيلوسوفيالىق كوزقاراسى)؛
«ءابىش كەكىلبايەۆ - سىرلى سۋرەتكەر» (شىعارماشىلىق شەبەرلىگى)؛
«ءابىش كەكىلبايەۆ - ايشىقتى اقىن» (اقىندىق قولتاڭباسى)؛
«ءابىش كەكىلبايەۆ - تاعلىمدى تاريحشى» (شەجىرەشى- تاريحشىلدىعى)؛
«ءابىش كەكىلبايەۆ - عۇلاما عالىم» (عىلىمي- زەرتتەۋشىلىگى)؛
«ءابىش كەكىلبايەۆ - سىندارلى سىنشى» (شىنشىل- سىنشىلدىعى)؛
«ءابىش كەكىلبايەۆ - سۇڭعىلا ساياساتكەر» (ىشكى- سىرتقى ساياساتتىڭ بىلگىرى)؛
«ءابىش كەكىلبايەۆ - قوعام قايراتكەرى» (الەۋمەتتىك- قوعامدىق قىزمەتى)؛
«ءابىش كەكىلبايەۆ - ۇلاعاتتى ۇستاز» (ۇستاز- شاكىرت ساباقتاستىعى)؛
«ءابىش كەكىلبايەۆ - كەمەڭگەر كوسەمسوزشى» (پۋبليتسيستىك قىزمەتى)؛
«ءابىش كەكىلبايەۆ - بىلىكتى ءبىلىمپاز» (ءتۇپسىز تەرەڭ ءبىلىمدارلىعى)؛
«ءابىش كەكىلبايەۆ - تالانتتى ءتارجىماشى» (تەلنۇسقا تۋىندىگەر)؛
«ءابىش كەكىلبايەۆ - ابىز، اۋليە» (بولاشاقتى بولجامپازدىعى)؛
«ءابىش كەكىلبايەۆ - پاتريوت ولكەتانۋشى» (تۋعان جەر تاريحى)؛
«ءابىش كەكىلبايەۆ - ەتنوگراف- عالىم» (تۇرمىس- سالت زەرتتەۋشىسى)؛
«ءابىش كەكىلبايەۆ - ونەر زەرتتەۋشىسى» (انشىلىك، كۇيشىلىك ونەر) ؛
«ءابىش كەكىلبايەۆ - دارحان مىنەزدى دارىن» (مىنەزى باي تۇلعا)؛
«ءابىش كەكىلبايەۆ - اسىل ازامات» (ازاماتتىق- ۇستانىمدىق قاسيەتتەرى)؛
«ءابىش كەكىلبايەۆ - ۇلگىلى وتباسى يەسى» (وتباسىلىق ءتالىم- تاربيەسى).
كونكۋرسقا قاتىسۋشىلار اتالعان نوميناتسيالار بويىنشا بايقاۋعا بۇرىن ەش جەردە جاريالانباعان شاعىن شىعارمالارىن مىنا ەلەكتروندى پوشتا ارقىلى جولداۋ كەرەك:
(ەستەلىك، ەسسە، كوسەمسوز، اڭگىمە، ارناۋ- ولەڭ، جىر- تولعاۋ، رەتسەنزيا، عىلىمي تالداۋ، سىن- ماقالا، ت. ب. ) جولداي الادى. بەلگىلى ءبىر ەڭبەكتەن ءۇزىندى كەلتىرىلگەن جاعدايدا وعان سىلتەمە جاسالۋعا ءتيىستى.
ءاربىر اۆتور تەك ءبىر اتالىم (نوميناتسيا) بويىنشا عانا بايقاۋعا قاتىسا الادى.
ءاربىر اتالىم بويىنشا قارجىلاي سىيلىقتار جانە ارنايى جۇلدەلەر تاعايىندالعان.
شىعارمانى10 - قاراشا كۇنگى ساع. 18.00.-گە دەيىن عانا تاپسىرۋعا بولادى. سىيلىقتار مەن جۇلدەلەر نۇر- سۇلتان قالاسىندا 30 - قاراشادا تاپسىرىلادى.
جەڭىمپاز اۆتورلاردىڭ شىعارمالارى باسپادان جەكە جيناق بولىپ شىعادى.
