ءابدىجامىل نۇرپەيىسوۆ «التىن قالام» ادەبي سىيلىعىنا يە بولدى

«التىن قالام» ادەبي سىيلىعى 10 جىلدان بەرى وتكىزىلىپ كەلەدى جانە جىل سايىن 6 نوميناتسيا بويىنشا جەڭىمپازداردى انىقتايدى.

بيىلعى جۇلدەگەرلەردىڭ ەسىمى الماتىدا ىقىلاس اتىنداعى مۋزىكالىق اسپاپتار مۇراجايىندا جاريالاندى. بايقاۋعا قازاقستان، رەسەي، وزبەكستان، ۋكراينا، يزرايل، ا ق ش، مولدوۆا جانە گەرمانيادان بارلىعى 397 اۆتوردان 778 شىعارما ءتۇستى.

جۇمىستار 2019 -جىلعى 15 - ناۋرىزدان 15 - قىركۇيەككە دەيىن قابىلدانىپ، وقىرماندار 1 - قازانعا دەيىن داۋىس بەردى.

سىيلىق جەڭىمپازدارى اراسىندا جاقىندا عانا 95 جىلدىق مەرەيتويىن اتاپ وتكەن، حالىق جازۋشىسى ءابدىجامىل نۇرپەيىسوۆ تە بار. ول «قازاق ادەبيەتىنە قوسقان ەلەۋلى ەڭبەگى ءۇشىن» نوميناتسياسىندا «التىن قالام» يەگەرى اتاندى.

سىيلىق لاۋرەاتتارى: «قازاق ادەبيەتىنە قوسقان ەلەۋلى ەڭبەگى ءۇشىن» - ءابدىجامىل نۇرپەيىسوۆ؛

«جىلدىڭ ۇزدىك پوەزياسى» - داۋرەن تىلەۋحان (اقتوبە)، ولگا كۋۆشيننيكوۆا (وسكەمەن)؛

«جىلدىڭ ۇزدىك پروزاسى» - گۇلنار ىزتايەۆا (شىمكەنت)، قۋانىش جيەنباي (نۇر- سۇلتان)؛

«جىلدىڭ ۇزدىك كينوسسەناريى جانە دراماتۋرگياسى» - قۋانىش جيەنباي (نۇر- سۇلتان)، كسەنيا ەۆدوكيمەنكو (الماتى)؛

«جىلدىڭ ۇزدىك ساتيراسى» - اماندىق ساعىنتاي ۇلى (اتىراۋ)، ەرلان كوشكىنبايەۆ (الماتى)؛

«جىلدىڭ ۇزدىك فانتاستيكاسى جانە دەتەكتيۆى» - ورالبەك بەكبولات (كەنتاۋ)، ءالنۇر قۇرمانعالي (الماتى)؛

«جىلدىڭ ۇزدىك بالالار جانە جاسوسپىرىمدەر ادەبيەتى «دارابوز» - قارلىعاش سارىبايەۆا (قاراعاندى)، كسەنيا ەۆدوكيمەنكو (الماتى)؛

بۇدان بولەك، «ZHERSU» ينۆەستيتسيالىق- وندىرىستىك كورپوراتسياسىنىڭ 1 ميلليون تەڭگە سىيلىعى جانە بالالار جازۋشىلارىنا ارنالعان «دارابوز» بايقاۋىنىڭ باس جۇلدەسى قارلىعاش سارىبايەۆاعا بەرىلدى.

قازىلار القاسىندا دوسىم ساتپايەۆ، ايدوس سارىم، ارمان شورايەۆ، نۇرجان مۇحامەدجانوۆا، راسۋل جۇمالى، كەنجە جۇمان ۇلى، قۋات دومباي، بەكنۇر قيسىقوۆ، بايعالي ەسەناليەۆ، دىلداگۇل نۇرماحانبەت، تاتيانا فيليپچيك بولدى.

اۆتور الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى