ەر- ازامات پسيحولوگياسى
ول بيىككە ۇمتىلۋى كەرەك. ەركەك قاتتى جەردە ۇيىقتاپ، سۋىق سۋمەن شايىنىپ، ەرتە تۇرۋى قاجەت.
ەر ادام ءاردايىم ءوزىنىڭ جامان قىلىقتارىن تىيعانى ءجون. وزىنە ۇساق- تۇيەك جەڭىلدىك جاساماۋى كەرەك.
قالاعان نارسەسىنە جەتۋ ءۇشىن ول ماقسات قويىپ قيمىلدايدى. بۇل ەر ازاماتتىڭ تابيعاتى. سىيلاساتىن ورتاسىندا وزىندىك ورنى بولۋى شارت. ءوزىن كورسەتۋ ءۇشىن ەمەس، ءوز مەنىن اشۋ ءۇشىن.
ءومىردى قالاي دۇرىس ءسۇرۋ كەرەكتىگىن زەرتتەۋى شارت جانە ونى ايەل زاتىنا ۇيرەتۋگە مۇددەلى. بۇل - ونىڭ مىندەتى.
ەركەك ۇيلەنبەي تۇرىپ كەلەشەك ايەلى ونى بار بولمىسىمەن قابىلدايتىنداي دارەجەگە ءوسۋى كەرەك. ايەلدىڭ جانىندا بۇل وزدىگىنەن بولا سالاتىن قۇبىلىس ەمەس.
قازىرگى زاماندا كەز كەلگەن قىزدى سىندىرا السا، ونداي ەركەك كەرەمەت بولىپ سانالادى. ال، شىن مانىندە ەگەر ەركەك جۇرگىش بولسا، وندا ول قورقاق بولعانى. ونداي ەركەك ەشقاشان تانككە قارسى جالاڭ قولمەن شىقپايدى. ۋادەسىندە تۇرمايدى. ءوزىن جەتىلدىرمەيدى. ەگەر ايەلدىڭ ىقپالىنان شىعا الماسا، وندا ول ءوزىن جوعالتقانى.
ەركەك بولۋ دەگەن، ەڭ الدىمەن ءوزىنىڭ مەنىن ايەل اتاۋلىدان ادا ەتۋى. ايتپەسە، ول تەرىس ادەتتەرمەن كۇرەسە الماس. ءوزىن قيىندىقتاردان شىعارا المايدى. ءتوزىمسىز بولادى.
ەركەكتىڭ قۋاتى ءوزىنىڭ ءناپسىسىن جەڭۋدە تۇرادى. ءوزىنىڭ مەنىن، وزىمشىلدىگىن، ەركەلىگىن، بۇزىقتىعىن، كەرباعۋشىلىعىن جەڭۋىندە. ەگەر ەركەك جۇرگىش بولسا، ايەلدەر ودان تەك ءلاززات الادى. ءبىراق، ەشقاشان سىيلامايدى.
ەركەك بولعىم كەلەدى دەگەن ادام ەڭ ءبىرىنشى سانامەن ايەلدەن وقشاۋ ءومىر ءسۇرۋدى ۇيرەنۋى كەرەك.
نەگە ۇيلەنگەن ەركەكتەر ءوزىنىڭ مەنىن جوعالتادى؟ نە تىم جۇمساقتىق تانىتىپ، اياق سۇرتكىشكە اينالادى. نە دورەكىلىك تانىتىپ، قۇبىجىق سياقتى بولىپ كەتەدى. ەركەك الدىمەن ايەلىنە قىزمەت كورسەتۋدى ۇيرەنگەنى ءجون. ايەلدى زات سەكىلدى تۇتىنۋدى دوعارۋ كەرەك.
ەر ادام باقىتىن قوعامدىق جۇمىستارعا بەلسەنە جەگىلىپ ءجۇرىپ تابادى. ەلىنە قىزمەت ەتىپ تاپقان باقىتى باياندى بولماق. سوندا ونىڭ وتباسىلىق باقىتى وزدىگىنەن ءبىر جۇيەگە ءتۇسىپ كەتەدى. تۇلعا رەتىندە قالىپتاسسا، وندا وتباسى باقىتى وعان ءوزى كەلەدى.
ەركەككە ايەلدىڭ قۇبىلمالى كوڭىل- كۇيىن كوتەرۋ وتە قيىن. ءبىراق، سوعان توزىمدىلىك تانىتىپ، كەشىرىممەن قاراۋ ازاماتتىق مىنەز. ەشتەڭە بولماعانداي ءومىر ءسۇرۋ كەرەك. وسىنداي رۋحاني بيىككە وسكەن ادام ۇيلەنۋگە دايىن دەگەن ءسوز.
ەگەر ايەلىڭ ساعان رەنجىپ، جىلاسا، وندا وعان تۇسىنىستىك تانىتۋ قاجەت. ەگەر ۇنەمى ۇرىس- كەرىس شىعارىپ، مازانى السا، ودان وقشاۋلانىپ، ءبىراز ۋاقىت تۇزدەگى جۇمىسقا كوبىرەك كوڭىل بولۋگە تىرىسقان ابزال. ەگەر ايەلدىڭ تيىسكەنىنە كوبىرەك كوڭىل بولسە، ونىڭ شايتانى ەكى ەسە كۇشپەن قوزا بەرەدى. ءمان بەرمەي ءومىر ءسۇرۋ كەرەك.
ۇل بالانى تەك ءوز ىسىڭمەن عانا تاربيەلەي الاسىڭ. ەر بالا ءسوزدى تۇسىنبەيدى. ولارعا ارەكەت قانا مىسال بولا الادى. اناسى بالاسىن جازالاۋىنا جول بەرمەۋ كەرەك.
ۇل تاربيەسىندەگى ەڭ ماڭىزدى شارت - ونىڭ ەركىندىكتى سەزىپ وسۋىنە مۇمكىندىك تۋدىرۋ. سوندا ول ومىردە قالاعانىنا قول جەتكىزەدى. ۇل بالاعا رۋحاني ءبىلىم بەرۋ كەرەك. ەسەسىنە ول ءوزىن جەتىلدىرۋدى توقتاتپايدى.
ءوزىن دامىتۋدى توقتاتقان ەركەكتىڭ ءومىر وزەنى قاڭسىپ قالادى. كەشتىك ءومىرىڭ باردا تۇستىك مال جي. ازامات، جۇنجىمە، جۇرمە بوس!
اۋدارعان: شىنار ءابىلدا
