اقمولالىق سپورتشى قىز دجيۋ-دجيتسۋدان الەم چەمپيونى اتاندى

اقمولا وبلىستىق دەنەشىنىقتىرۋ جانە سپورت باسقارماسىنىڭ مالىمەتىنشە، گرەكيانىڭ كريت ارالىندا جاسوسپىرىمدەر اراسىندا دجيۋ- دجيتسۋدان الەم چەمپيوناتى ءوتتى. جارىسقا الەمنىڭ 22 ەلىنەن 600 جۋىق سپورتشى قاتىستى.

«ەليزاۆەتا وسى سپورت تۇرىنەن جوعارى جەتىستىككە قول جەتكىزىپ وتىرعان تۇڭعىش اقمولالىق قىز. جەرلەسىمىز 48 كەلى سالماقتا سىنعا ءتۇستى. ول دجيۋ-دجيتسۋدىڭ «نەۆازا» ءتۇرى بويىنشا ءتورت كەزدەسۋ وتكىزىپ، ونىڭ بارلىعىندا جەڭىسكە جەتتى»، - دەيدى ۆەدومستۆونىڭ باسپا ءسوز حاتشىسى ماحاببات بولشينا.

ايتا كەتەيىك، ەليزاۆەتا باپكەرلەرى كيريلل ياكيموۆيچ جانە ەرجان قاسەنوۆتىڭ جەتەكشىلىگىمەن جاتتىعادى.

جالپى، كوماندالىق ەسەپتە قازاقستان قۇراماسىنىڭ ەنشىسىندە 5 التىن، 1 كۇمىس جانە 1 قولا جۇلدە بار.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى