بوكسشى تەمىرتاس ءجۇسىپوۆ دۇنيەجۇزىلىك اسكەري ويىنداردا چەمپيون اتاندى

ۆەدومستۆونىڭ مالىمەتىشە، قىتايدىڭ ۋحان قالاسىندا 7-جازعى دۇنيەجۇزىلىك اسكەري ويىندارى ءوتىپ، بوكستان 49 كەلى سالماقتا شارشى الاڭعا شىققان اقمولالىق بىلعارى قولعاپ شەبەرى تەمىرتاس ءجۇسىپوۆ ءبىرىنشى ورىندى جەڭىپ الدى.

«جەرلەسىمىز نيگەريا، كەنيا، كولۋمبيا، ك ح د ر جانە ءۇندىستاننان كەلگەن بوكسشىلارىمەن قولعاپ ءتۇيىستىردى. بەس كەزدەسۋدىڭ بارلىعىندا تەمىرتاس جوعارى شەبەرلىك تانىتىپ، قارسىلاستارىن ايقىن باسىمدىقپەن جەڭدى»، - دەيدى ۆەدومستۆونىڭ باسپا ءسوز قىزمەتىندەگىلەر.

تۋرنيردىڭ سەگىزىنشى كۇنگى ناتيجەسى بويىنشا قازاقستان قۇراماسى جالپى كوماندالىق ەسەپتە 109 ەلدىڭ ىشىندە 11 ورىننان كورىندى. ۇلتتىق قۇراما قورجىنىندا 4 التىن، 3 كۇمىس جانە 5 قولا مەدال بار.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى