جاستاردىڭ جۇمىسپەن قامتىلۋىنا ەرەكشە نازار اۋدارۋ قاجەت - اسقار مامين

 بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

«ءبىزدىڭ باستى مىندەتىمىز - ناتيجەلى جۇمىسمەن قامتۋدى كۇشەيتۋ ەسەبىنەن ازاماتتاردىڭ ءال- اۋقاتىن ارتتىرۋ. 2017-2019 -جىلدار ارالىعىندا ءتيىمدى ىسكە اسىرىلعان «ەڭبەك» باعدارلاماسى ارقاسىندا جاقسى ناتيجەلەرگە قول جەتكىزدىك. سونىڭ ىشىندە 1,3 ميلليون ادام جۇمىسقا ورنالاستى. 51 مىڭ ادام ءوز بيزنەسىن اشتى. 248 مىڭ ادام بىلىكتىلىگىن ارتتىردى. 53 مىڭ جاس ازامات العاشقى كاسىپتەرىن يگەرۋدە. سونىمەن قاتار قابىلدانعان شارالاردىڭ تيىمدىلىگىن ارتتىرۋ ءۇشىن كەلەسى تاپسىرمالار بار»، - دەپ اتاپ ءوتتى ول.

ۇكىمەت باسشىسىنىڭ ايتۋىنشا، ەڭبەك نارىعى قۇرىلىمىنىڭ وزگەرۋىنە بايلانىستى ونىڭ وسى وزگەرىستەرگە يكەمدىلىگى جوعارى بولۋى قاجەت. «بىرىنشىدەن، وسىعان بايلانىستى ەڭبەك، ءبىلىم، ۇلتتىق ەكونوميكا مينيسترلىكتەرى سالالىق مينيسترلىكتەرمەن، اكىمدىكتەرمەن بىرلەسىپ، وسى جىلدىڭ سوڭىنا دەيىن الداعى 5 جىلدىق كەزەڭدە ەڭبەك نارىعىن كەشەندى دامىتۋ بويىنشا ۇسىنىستاردى ازىرلەسىن. ەكىنشىدەن، قىسقا مەرزىمدە وقىتۋ كەپىلدى جۇمىسقا ورنالاستىرۋ نەگىزىندە جۇزەگە اسىرىلۋى ءتيىس. شاعىن نەسيە جانە گرانت بەرۋ كەزىندەگى تالاپتاردىڭ ورىندالۋىن ناقتى باقىلاۋ قاجەت»، - دەدى اسقار مامين.

پرەمەر- مينيستر ۇشىنشىدەن، جاستاردىڭ الەۋەتىن دامىتۋ ماقساتىندا «جاس كاسىپكەر»، «جاس مامان» جوبالارى ىسكە اسىرىلىپ جاتقانىن ايتتى.

«جاستاردىڭ جۇمىسپەن قامتىلۋىنا ەرەكشە نازار اۋدارۋ قاجەت. وسى باعىتتا جۇمىستى جالعاستىرامىز. جالپى، تۇراقتى جۇمىس ورىندارىن قۇرۋ اكىمدەر مەن سالالىق مينيسترلىكتەر جۇمىسىنىڭ نەگىزگى باسىمدىعى بولىپ قالا بەرەدى. بۇل كورسەتكىشتەر بارلىق مەملەكەتتىك باعدارلامالاردا، ينۆەستيتسيالىق جوبالار مەن الەۋمەتتىك- جەكەشەلىك سەرىكتەستىك جوبالارىندا كورسەتىلۋى ءتيىس»، - دەدى ۇكىمەت باسشىسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى