قانات يسلاممەن قاتار ونەر كورسەتكەن قازاق بوكسشىلارىنىڭ رەيتينگى جوعارىلادى

اتالمىش بوكسشىلار قانات يسلام- ۋولتەر كاۋتوندوكۆا بوكس كەشىنىڭ اندەركارتىندا جۇدىرىقتاسقان بولاتىن.

ۆكونتاكتە جەلىسىندەگى «قازاقستان كاسىپقوي بوكسى» پاراقشاسىندا جاريالانعانداي، ۋكراينالىق ياروسلاۆ مانۋيلوۆتى جەڭگەن بوكسشى ساپارباي ايداروۆ (4-0،  2 ك و) Boxrec.com رەيتينگىندە 526-ورىننان 356 عا كوتەرىلگەن. ال اۋىر سالماقتاعى رۋسلان مىرساتايەۆ (7-0، 6 ك و) بەلارۋس يۋري بىحوۆسەۆتان (10-18-3، 5 ك و) باسىم ءتۇسىپ، 191- ورىننان 114-كە ءبىراق جوعارىلادى.

Boxrec.com-داعى ايقىن سەرپىلىستى وزبەك بوكسشىسىن العاشقى 58 سەكۋندتا ۇيىنە قايتارعان ارمان رىسبەك (7-0، 6 ك و) كورسەتىپ وتىر. كاسىپقوي بوكستاعى جەتىنشى جەڭىسىنەن كەيىن ارمان 526- ورىننان 201 گە جىلجىپ، كورسەتكىشىن ەداۋىر جاقسارتتى.

ەسكە سالا كەتەيىك، قازاقستاندىق كاسىپقوي بوكسشى قانات يسلام ناميبيالىق ۋولتەر كاۋتوندوكۆامەن قولعاپ ءتۇيىستىرىپ، جەڭىسكە جەتكەن بولاتىن. ايقاس الماتى قالاسىنداعى بالۋان شولاق اتىنداعى سپورت سارايىندا ءوتتى. جەكپە-جەك ون راۋندقا سوزىلدى. تورەشىلەر شەشىمىمەن قانات يسلام جەڭىپ، WBO بەلبەۋىنە قول جەتكىزدى.

ول وسىلايشا 27-رەت قارسىلاسىنان باسىم ءتۇستى. BoxRec رەيتينگىنە سايكەس، قانات 137.9 ۇپايمەن ورتا سالماقتا 17-ورىنعا جايعاستى (جەكپە-جەككە دەيىن قانات 89.59 ۇپايمەن 41-ورىندا بولعان). ال قارسىلاسى ۋولتەر كاۋتوندوكۆا (18-2، 17 ك و) 67.88 ۇپايمەن 25-ورىننان 41-ورىنعا سىرعىدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى