ەر ادامدار ءۇشىن ەڭ اۋىر سىناق

حاديستە ەر ادامداردىڭ ءار كەزەڭدە، اسىرەسە، اقىرزاماندا ادامدار ايەل زاتىمەن سىنالاتىندىعى جانە بۇل سىناقتىڭ وزگە سىناقتارعا قاراعاندا وتە اۋىر كەلەتىندىگىنە باسا نازار اۋدارىلادى.

وسىعان بايلانىستى قۇراندا اللا تاعالا: «ايەلدەر، بالالار (اسىرەسە ەركەك كىندىك)، قاپ-قاپ التىن مەن كۇمىس، اسىل تۇقىمدى سايگۇلىكتەر، ءتورت تۇلىك مال مەن ەگىنجاي سىندى دۇنيەلەر ادامدار ءۇشىن كوزدىڭ قۇرتى ەتىلدى. ءاسىلى، بۇلار دۇنيە تىرشىلىگىنىڭ (وتكىنشى) قىزىعى مەن بولماشى بۇيىم- بوقشاسى عانا. راسىندا، (ادام جانى جاي تاباتىن) ەڭ تاماشا جاي اللانىڭ دارگەيىندە»، - دەۋ ادام ناپسىسىنە ۇنايتىن ءبىرقاتار دۇنيەنى جىپكە ءتىشىپ، قۇلدارىن ولاردان ساقتاندىرعان.

سونداي-اق اياتتا اتالمىش نىعمەتتەردىڭ اقيرەتتە بەرىلەتىندەي نىعمەتتەرمەن سالىستىرعاندا بايانسىز ءھام ۋاقىتشا ەكەنى ءبىلدىرىلىپ، نەگىزىندە، ادال بولعان وسىناۋ نىعمەتتەر ادام ءومىرىنىڭ باستى ماقساتىنا اينالعان جاعدايدا پەندەنى اللادان الشاقتاتتىپ جىبەرەتىندەي دەڭگەيدە قاۋىپتى دۇنيەلەر ەكەنىنە نازار اۋدارىلادى.

حاديستەگى «سىناق» ءسوزى - «سىن» نەمەسە «ەرىكسىز ەلىتىپ اكەتۋشى، ازعىرۋشى، ارباۋشى» دەگەن ماعىنالارعا سايادى. دەمەك، بۇل حاديستەن ايەل زاتىنىڭ ءوز- وزىنە ءھام ەر ادامدار ءۇشىن سىناق ەكەندىگىن اڭعارامىز.

 «جاستارعا ارنالعان 30 حاديس» كىتابىنان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى