بۋرابايدا دەمالۋ تۇركيادان نەگە قىمبات - ەرمەك مارجىقبايەۆتىڭ جاۋابى

«شىنىندا دا، مۇنداي ماسەلە بار. بۇعان قاتىستى ءارتۇرلى ءازىل اڭگىمەلەردىڭ دە تاراپ كەتكەنىنەن حاباردارمىز. دەسە دە، بۇل جەردە ماسەلە قايدا؟ سونى ءتۇسىندىرىپ وتەيىن. وكىنىشكە قاراي، قىسقى تۋريزم ءبىزدىڭ شۋچە- بۋراباي دەمالىس ورنىندا جوعارى دەڭگەيدە دامىماعان. ونى جاقسى بىلەسىزدەر. بۇكىل قىس بويعى شىعىنداردىڭ ءبارىن ءبىز ءبىر جىلدىڭ ەكى ايىندا جاۋىپ ۇلگەرۋىمىز كەرەك. باستىسى شتاتتى ساقتاپ قالۋ قاجەتتىلىگى تۋىندايدى» ، - دەدى ەرمەك مارجىقبايەۆ.

ايماق باسشىسىنىڭ ايتۋىنا قاراعاندا، ءوڭىر ستۋدەنتتەرى تۋريستىك تاجىريبە الۋ ءۇشىن شەتەلدە وقىپ جاتىر.

«سول سەبەپتى، جازدىڭ ەكى ايىندا ءبىزدىڭ تۋريستىك نىسانداردىڭ يەلەرى بارىنشا تابىس تاۋىپ قالۋعا تىرىسادى. ءبىراق، قازىرگى ۋاقىتتا ءبىرقاتار شارانى قولعا الدىق. اتاپ ايتقاندا، كۇزگى، قىسقى، كوكتەمگى جۇمىستار باستالىپ، جىل بويى 4 ماۋسىمدا 20 شاقتى ءىرى شارا وتكىزەمىز. ماسەلەن، قازان ايىندا «سۋرەتشىلەر سلەتىن» وتكىزدىك. مۇنداي ءبىر عانا شارا جۇزدەن اسا تۋريست تارتۋعا مۇمكىندىك بەرەدى. تيىسىنشە، مۇنداي جۇمىستاردىڭ مۋلتيپليكاتيۆتى ناتيجەلەرى بارشىلىق. سوندىقتان، ءبىزدىڭ مىندەت - قوناق ۇيلەر بارىنشا بوس قالمايتىنداي شارالار قابىلداۋ» ، - دەدى ءوڭىر باسشىسى.

ەسكە سالا كەتسەك، بۇعان دەيىن ءوڭىر اكىمى بىرىككەن اراب امىرلىگىنەن كەلگەن «ەast West compani Ltd» كومپانياسى شۋچەدەگى كول ماڭىندا كوتتەدج قالاشىعىن سالىپ جاتقانىن حابارلاعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى