اسىق اتۋدان ەل چەمپيوندارى انىقتالدى

ەرلەر اراسىنداعى ەلىشىلىك باستى باسەكەگە جامبىل، قوستاناي،  قىزىلوردا، شقو، تۇركىستان، پاۆلودار وبلىستارى مەن تاراز، شىمكەنت، نۇر- سۇلتان قالالارىنىڭ كوماندالارى قاتىستى.

سونداي- اق، قىزدار اراسىنداعى «بەس اسىق» باسەكەسىندە جامبىل، شقو، تۇركىستان، قوستاناي، قىزىلوردا وبلىستارى مەن نۇر- سۇلتان قالاسىنىڭ كوماندالارى باق سىنادى.

 «بيىلعى جىلى ەرلەر اراسىندا V رەت ۇيىمداستىرىلعان ەلىشىلىك چەمپيوناتتا نۇر- سۇلتان قالاسى 1- ورىندى جەڭىپ الدى. ەستەرىڭىزدە بولسا، وسى جىلى ەلوردالىق كوماندا «اسىق اتۋدان» وتكەن قازاقستان چەمپيوناتىندا قاتارىنان ءۇشىنشى مارتە توپ جاردى. اتالعان جارىستا تۇركىستان وبلىسى 2- ورىندى، شىمكەنت قالاسى 3- ورىندى يەلەندى. ال، قىزدار اراسىندا Ⅲمارتە ۇيىمداستىرىلعان «بەس اسىق» چەمپيوناتىندا دا ەلوردالىقتار باس جۇلدەگە قول جەتكىزدى. قوستاناي وبلىسىنىڭ كومانداسى 2- ورىندى، تۇركىستان وبلىسىنىڭ كومانداسى 3- ورىندى قاناعات تۇتتى« - دەپ حابارلادى ق ر ۇلتتىق سپورت قاۋىمداستىعى.

ەرلەر اراسىندا «اسىق اتۋدان» V رەت وتكەن ق ر چەمپيوناتىنىڭ جەڭىمپازدارى مەن جۇلدەگەرلەرى:

 1 - ورىن -  جۇماعۇلوۆ ءادىلحان، قايىپبەكوۆ مىرزامۇرات، مولجىگىتوۆ نۇرقانات -  نۇر- سۇلتان قالاسى كومانداسىنىڭ مۇشەلەرى.

2 - ورىن - ايتقۇلوۆ اماندوس، قارابايەۆ الماس، مۇسا بيبولسىن - تۇركىستان وبلىسى كومانداسىنىڭ مۇشەلەرى.

 3 - ورىن -  مولجىگىتوۆ نۇرجىگىت، مولجىگىتوۆ نۇرقيسسا، كوشەنوۆ اليايدار -  شىمكەنت قالاسى كومانداسىنىڭ مۇشەلەرى

ايەلدەر اراسىندا «بەس اسىقتان» Ⅲرەت وتكەن ق ر چەمپيوناتىنىڭ جەڭىمپازدارى مەن جۇلدەگەرلەرى:

 1 - ورىن -  حودجانيازوۆا انارگۇل، سەرىكوۆا ايجان، حۋدايبەردييەۆا ۇلجالعاس -  نۇر- سۇلتان قالاسى كومانداسىنىڭ مۇشەلەرى.

 2 - ورىن -  سەركەبايەۆا نازەركە، اليەۆا ماريام، سۇلتانوۆا جانار -  قوستاناي وبلىسى كومانداسىنىڭ مۇشەلەرى.

 3 - ورىن -  تورتبايەۆا اراي، مۇسا نۋريلا، نابيعالي قىزى ايتكۇل -  تۇركىستان وبلىسى كومانداسىنىڭ مۇشەلەرى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى