قازاقستاندىق ونىمدەر بەيجىڭدەگى قايىرىمدىلىق جارمەڭكەدە سۇرانىسقا يە بولدى
جينالعان قاراجات يۋننان پروۆينتسياسىنىڭ كەدەي اۋىلدارىندا مەكتەپ الاڭدارىن سالۋعا جۇمسالاتىن بولادى.
جارمەڭكەنىڭ اشىلۋ سالتاناتىندا قىتايداعى قازاقستان ەلشىلىگى «ۇزدىك شىعارماشىلىق قويىلىم» اتالىمىندا جۇلدەگە يە بولدى. قىتاي حالىق رەسپۋبليكاسىنىڭ سىرتقى ىستەر ءمينيسترى ۆان ي قازاقستان ەلشىلىگىنىڭ قىتايداعى ىستەرىنىڭ ۋاقىتشا سەنىمدى وكىلى ءۋاليحان سارسەمبەكوۆكە ەستەلىك مۇسىنشە تابىس ەتتى.
جارمەڭكەگە قىتايداعى اككرەديتتەلگەن 100-گە جۋىق شەتەلدىك مەملەكەت پەن حالىقارالىق ۇيىمداردىڭ وكىلدىكتەرى قاتىستى.
قازاقستاندىق پاۆيلوندا ۇلتتىق سۋۆەنيرلەر مەن قولونەر بۇيىمدارى، ەلىمىزدە شىعارىلعان سۋسىندار مەن تاتتىلەر ساتىلىمعا قويىلدى.
«ماحابباتتا شەك جوق» جىل سايىنعى قايىرىمدىلىق جارمەڭكەسى 2009 -جىلدان بەرى قىتاي سىرتقى ىستەر ءمينيسترىنىڭ جۇبايىنىڭ مۇرىندىق بولۋىمەن وتكىزىلىپ كەلەدى.
اۆتورى رۋسلان سۇلەيمەنوۆ
