قازاقستاندا شاعىن جانە ورتا بيزنەس وندىرگەن ءونىم كولەمى ارتىپ كەلەدى

«رەسمي ستاتيستكالىق دەرەكتەرگە سايكەس 2019 -جىلدىڭ قاڭتار- ماۋسىمىندا رەسپۋبليكانىڭ جالپى ىشكى ونىمىندەگى شاعىن جانە ورتا بيزنەستىڭ ۇلەسى 28,5 پايىزدى قۇرادى. ءبىزدىڭ مىندەتىمىز - بۇل كورسەتكىشتى 2025 -جىلى 30 جانە 2050 -جىلى 50 پايىزعا جەتكىزۋ. بۇل دامىعان ەلدەردىڭ دەڭگەيىنە ساي كەلەدى» ، - دەدى ول.

وسى ورايدا ۆيتسە- مينيستر قازاقستاننىڭ «Doing Business» رەيتينگىندە 3 ساتىعا كوتەرىلىپ، الەمنىڭ 190 ەلىنىڭ اراسىندا بيزنەس جۇرگىزۋدەگى توپ-25 مەملەكەتتىڭ قاتارىنا قوسىلعاندىعىن ەسكە سالدى.

«بۇل جىلدان- جىلعا بيزنەستى دامىتۋ ءۇشىن قولايلى جاعداي جاساۋعا باعىتتالعان ۇكىمەتتىك شارالار ۇتىمدىلىعىنىڭ ناقتى كورسەتكىشى» ، - دەدى جاسۇلان ماديەۆ.

سونىمەن قاتار ول شاعىن جانە ورتا بيزنەس وندىرەتىن ونىمدەردىڭ كولەمى دە ارتىپ كەلە جاتقاندىعىنا نازار اۋدارتتى.

«2019 -جىلدىڭ قاڭتار- ماۋسىمىندا شاعىن جانە ورتا كاسىپكەرلىك سۋبەكتىلەرى وندىرگەن ءونىم كولەمى 12,7 تىريلليون تەڭگەنى قۇرادى جانە 2018 -جىلدىڭ ءتيىستى كەزەڭىمەن سالىستىرعاندا 10,8 پايىزعا ءوستى. ەگەر جىلدار بويىنشا ناتيجەلەردى سالىستىرار بولساق، وندا 2018 -جىلى 26,5 تىريلليون تەڭگەنىڭ ءونىمى شىعارىلعان ەدى. بۇل 2015 -جىلدىڭ كورسەتكىشىنەن 70 پايىزعا كوپ» ، - دەدى ۆيتسە- مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى