ال-باگدادي ءيت ولىممەن ءولدى : دونالد ترامپ دايش كوسەمىنىڭ كوزى جويىلعانىن مالىمدەدى
بۇل تۋرالى ا ق ش پرەزيدەنتى دونالد ترامپ ءمالىم ەتتى، دەپ حابارلايدى قازاقپارات «گولوس امەريكي» اگەنتتىگىنە سىلتەمە جاساپ.
«وتكەن ءتۇنى قۇراما شتاتتار الەمدەگى ءنومىرى ءبىرىنشى لاڭكەستىك ۇيىم كوسەمىن ءادىل جازاعا تارتتى. وپەراتسيا كەزىندە بىردە-ءبىر امەريكالىق اسكەري جاپا شەككەن جوق»، - دەپ مالىمدەدى ترامپ.
سونداي-اق، ا ق ش باسشىسى ال-باگداديدىڭ كوپتەگەن جاۋىنگەرى ولتىرىلگەنىن اتاپ وتكەن.
ترامپتىڭ مالىمدەۋىنشە، دايش باسشىسى «وكىرىپ-باقىرىپ» جەراستى جولىمەن قاشقان. وسىلايشا ول بەلىندەگى جارىلعىش زاتتى ىسكە قوسىپ، ءۇش بالانىڭ ءومىرىن جالماي كەتكەن.
پرەزيدەنت ونىڭ ءيت ولىممەن ولگەنىن تىلگە تيەك ەتتى.
ترامپ باگداديگە قارسى وپەراتسيانىڭ وتە ءساتتى وتكەنىن ايتادى. ءوز اسكەريلەرىنىڭ كاسىبي شەبەرلىگى مەن باتىلدىعىنا ريزاشىلىعىن بىلدىرە كەلە ول وسى وپەراتسياعا قول ۇشىن بەرگەن تۇركيا، رەسەي جانە يراك ەلدەرىنە العىس ايتتى.
