لاس اۋا جۇكتى ايەلدەردىڭ تۇسىك تاستاۋ قاۋپىن ارتتىرادى - زەرتتەۋ
«بەيجىڭ ۋنيۆەرسيتەتىنىڭ عالىمدارى 2009 -2017-جىلدار ارالىعىنداعى 255 مىڭ جۇكتى ايەلدىڭ مەديتسينالىق كارتالارىن زەرتتەپ شىقتى. ولار ايەلدەردىڭ ءبىلىم دەڭگەيى، ماماندىعى، تۇرعىلىقتى جەرى سەكىلدى كريتەريلەردى ەسكەردى»، دەپ جازادى باسىلىم.
زەرتتەۋ بارىسىندا عالىمدار ءار ايەل تۇراتىن جەردىڭ اۋاسىنىڭ لاستانۋ دەڭگەيىن قاراپ شىقتى.
«زەرتتەۋ بارىسىندا 17477 ايەلدىڭ (%6,8) جۇكتىلىكتىڭ العاشقى ءۇش ايىندا تۇسىك تاستاعانى انىقتالدى. عالىمداردىڭ ايتۋىنشا، ولاردىڭ بارلىعى اۋا لاستانۋ كورسەتكىشى وتە جوعارى جەرلەردە تۇرعان نەمەسە جۇمىس ىستەگەن»، دەپ جازادى اۆتور.
ونىڭ ايتۋىنشا، عالىمدار جۇكتى ايەلدەرگە اۋا لاستانباعان جەرلەردە كوبىرەك بولۋعا كەڭەس بەرگەن. دەگەنمەن، ددۇ مالىمەتىنشە، بەيجىڭ الەمدەگى ەڭ اۋاسى لاس قالالاردىڭ قاتارىندا 122-ورىندا تۇرعاندىقتان، بۇل كەڭەسكە قۇلاق اسۋ قيىن.
