استانادا كومىر تاپشىلىعى جوق، باعا تۇراقتى - اكىمدىك

قالانىڭ ءارتۇرلى بولىكتەرىندە 11 ورىندا كومىر ساتاتىن 8 كومپانيا بار، كومىردىڭ بارلىق تۇرلەرىنە باعا بەكىتىلگەن. ورتاشا قۇنى جەتكىزۋدى قوسپاعاندا - 12 مىڭ تەڭگە. مەملەكەت باسشىسى قاسىم-جومارت توقايەۆ كومىر باعاسىن كوتەرمەۋ جانە دەلدالداردىڭ كومىر كومپانيالارىمەن كەلىسىپ سىبايلاسىپ كەتۋىنە جول بەرمەۋ تۋرالى تاپسىرما بەردى.

«بەك-ايدا» ج ك ساتۋ مەنەدجەرى دۋلات قۇسايىنوۆ اتاپ وتكەندەي، كومىر ساتۋ ورىندارىندا تاپشىلىق بولعان جوق.

«كومىر ساتاتىن كومپانيالار مەن اكىمدىكتىڭ كومىردى الدىن الا ساتىپ الۋ تۋرالى ۋاقتىلى جۇرگىزىلگەن اقپاراتتىق جۇمىسىنىڭ ارقاسىندا ەشقانداي دۇرلىگۋ مەن كەزەك بولمادى. تۇرعىندار كومىردى جازدا ساتىپ الا باستادى، قازىر دە كەلىپ جاتىر، كوبىسى العاشقى قارعا دەيىن ساتىپ العان. باعا بەكىتىلگەن»، - دەدى د. قۇسايىنوۆ.

ەلوردادا جىل سايىن 500 مىڭ توننادان كەم ەمەس كومىر تۇتىنىلادى. بۇگىنگە شامامەن 250 مىڭ توننا كومىر جەتكىزىلدى، كومىردىڭ قورى - 18 مىڭ 300 توننادان اسادى.

ەلوردا اكىمى التاي كولگىنوۆ كومىردىڭ باعاسى مەن ساپاسىن ءارى قاراي دا باقىلاۋدا ۇستاۋ كەرەكتىگىن ايتتى. «iKomek109» قالالىق مونيتورينگ جانە جەدەل ارەكەت ەتۋ ورتالىعى جانىندا قاۋىرت جەلى ىسكە قوسىلدى. وندا ءار تۇرعىن ساتۋ ورنىنداعى كومىردىڭ بار-جوعىن، باعاسى مەن تۇرلەرىن سۇراپ بىلە الادى.

سونداي-اق، قالاداعى كومىرگە قاتىستى اقپارات قالالىق جانە اۋداندىق اكىمدىكتەردىڭ رەسمي سايتى مەن الەۋمەتتىك جەلىدەگى پاراقشاسىندا جاريالانىپ وتىرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى