قازاقستاندىقتار قانداي گازەت-جۋرنالداردى ءجيى وقيدى؟

رەسپۋبليكالىق گازەتتەردىڭ ۇزدىك بەستىگىنە «ەگەمەن قازاقستان»، «جاس الاش»، «انا ءتىلى»، «كازاحستانسكايا پراۆدا» جانە «ۇيعىر اۆازي» باسىلىمدارى كىردى. ايماقتىق كوشباسشىلار اراسىندا - «جەتىسۋ»، «اقتوبە»، «وگني الاتاۋ»، «Аq Jol»، «يۋجنىي كازاحستان» گازەتتەرى بار.

«ەل بويىنشا بارلىعى 204 رەسپۋبليكالىق جانە 521-ايماقتىق گازەت جازىلىم بويىنشا تاراتىلادى. جازىلۋدىڭ جالپى كولەمىندەگى رەسپۋبليكالىق باسىلىمداردىڭ ۇلەسى %45 دى، وڭىرلىك باسىلىمداردىڭ ۇلەسى - %54. تيراجدىڭ %1 حالىقارالىق مەرزىمدى باسىلىمدارعا تيەسىلى. قازاقستاندىقتار قازاقستان، رەسەي، بەلارۋس جانە ۋكراينانىڭ 3 مىڭنان استام گازەت-جۋرنالىنا قازپوشتا ارقىلى جازىلا الادى» دەلىنگەن حابارلامادا.

گازەت-جۋرنالعا جازىلۋ اۋىلداردا كوپ تىركەلگەن: بارلىق تارالىمنىڭ %73 اۋىلدا. اۋىل تۇرعىندارى وبلىستىق، قالالىق جانە اۋداندىق باسىلىمدارعا جازىلعاندى ءجون كورەدى. جازىلۋ بويىنشا قازاقستان وڭىرلەرى اراسىندا الماتى، قىزىلوردا، قاراعاندى جانە جامبىل وبلىستارى كوش باستاپ تۇر.

«ستاتيستيكا جازىلۋ تيراجىنىڭ تومەندەگەنىن كورسەتتى. وتكەن جىل قورىتىندىسى بويىنشا جازىلۋدىڭ جالپى كولەمى 127,8 ميلليون دانانى قۇرادى. بيىل قاراشا مەن جەلتوقسان ايلارىنا جازىلۋ ءالى جالعاسۋدا جانە جىل سوڭىندا كورسەتكىشتەر شامالى وسەدى. ءبىراق تۇتاستاي العاندا وتكەن جىلدىڭ كورسەتكىشىنەن اسپايدى. ءبىز ەلەكتروندى باسىلىمدارعا كوشۋ - قازاقستاندىق ستاتيستيكانى راستايتىن جالپى الەمدىك ترەند ەكەنىن تۇسىنەمىز» - دەيدى «قازپوشتا» ا ق «پوشتالىق سەرۆيس» فيليالىنىڭ ديرەكتورى نۇرجان جابايەۆ.

قازىردىڭ وزىندە 2020-جىلعا جازىلۋ باستالىپ كەتتى. باسپا سوزگە كەز كەلگەن قازپوشتا بولىمشەسىندە جازىلۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى