جۇبانوۆتاردىڭ ەڭبەكتەرى قايتا باسپادان شىعارىلدى

بيىل قازاق ءتىل ءبىلىمىنىڭ عىلىمي-تەوريالىق نەگىزىن سالۋشى، قازاق فيلولوگياسىنىڭ تۇڭعىش پروفەسسورى قۇدايبەرگەن جۇبانوۆتىڭ 120، بەلگىلى ادەبيەتشى-عالىم ەسەت جۇبانوۆتىڭ 90 جىلدىعى. مەرەيتويعا وراي عالىم اتىنداعى مەملەكەتتىك ۋنيۆەرسيتەت «جۇبانوۆ تاعىلىمى» عىلىمي-پراستيكالىق كونفەرەنسياسىن ۇيىمداستىردى. جيىنعا عالىمنىڭ ۇرپاقتارى مەن زەرتتەۋشىلەر، فيلولوگ ماماندار قاتىستى.

«حالىق جاۋى» دەپ 1937-جىلى 13- قاراشا كۇنى اتۋ جازاسىنا كەسىلدى. مەنى پەرزەنتحانادان اكەلگەندە ونى ۇيدەن الىپ كەتتى. تەك اكەمىز ەمەس، ونىڭ باي كىتاپحاناسى، ەڭبەگى تاركىلەندى. قولجازبالارى شىقپاي، جويىلىپ كەتتى. 1957-جىلى اقتالعان سوڭ ول تۋرالى كەڭ كولەمدە ايتىلا باستادى. فيلولوگيا عىلىمدارىنىڭ دوكتورى، پروفەسسور رابيعا سىزدىقوۆانىڭ ايتۋىنشا، اكەم قولجازباسىن 10 سەريامەن باسپاعا تاپسىرعان ەكەن. سونىڭ قولدا بارى 2 سەرياسى عانا. قالعان 8 سەرياسىنىڭ اتى بار، زاتى جوق. «حالىق جاۋى» دەپ سوتتاعان كەزدە جويىپ جىبەرگەن. جاس عالىمدار ىزدەپ، ارحيۆتەردى قاراپ جاتىر. تابىلىپ، مول مۇرا باسىلىپ شىعادى دەپ ويلايمىن»، - دەدى اسقار جۇبانوۆ.

كونفەرەنسيا اياسىندا ق. جۇبانوۆ پەن ە. جۇبانوۆتىڭ ەڭبەكتەرى قايتا تانىستىرىلدى. كىتاپتار تولىقتىرىلعان، جاڭا ماقالالار ەنگىزىلگەن.

«قۇدايبەرگەن جۇبانوۆتىڭ ەڭبەكتەرى قايتا جيناقتالىپ شىعارىلدى. مۇندا عالىمنىڭ بارلىق عىلىمي-زەرتتەۋ ەڭبەكتەرىمەن قاتار وقىرمان نازارىنان تىس قالعان، گازەت-جۋرنالعا جاريالانعان ماقالالارى ەنگىزىلدى. سىني كوررەسپوندەنتسيالارى، ولەڭدەرى، اڭگىمە-پامفلەتى بار. ورىس تىلىندە جازىلعان «يز يستوري پوريادكا سلوۆ ۆ كازاحسكوم پرەدلوجەني» ەڭبەگى بولگار، اعىلشىن جانە نەمىس، قازاق تىلىنە اۋدارىلىپ، جارىق كوردى. سونىمەن قاتار 16 ەلدىڭ سۋرەتشىسى عالىمنىڭ زەرتتەۋلەرى مەن ەڭبەگىنە ارناپ كورمە ۇيىمداستىردى. بۇل جۇبانوۆتار مۇراسىن حالىقارالىق دەڭگەيدە تانىتۋدىڭ جاڭا ۇلگىسى دەپ ويلايمىز»، دەدى فيلولوگيا فاكۋلتەتىنىڭ دەكانى گۇلزات ساديروۆا.

مەرەيتويعا ارنالعان ءىس شارا كەزىندە جىر ءمۇشايراسى، «ق. جۇبانوۆ الەمى - وقۋشىلار كوزىمەن» ەسسە بايقاۋى ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى