اقتوبەدە التىن بۇيىمدارمەن جەرلەنگەن ادام تابىلدى

تەمىر اۋدانىنىڭ تاسقوپا اۋىلى بۇرىن قالا بولعان. قالا ورنىن زەرتتەۋگە وبلىس اكىمى وڭداسىن ورازالين قولداۋ ءبىلدىرىپ، ءا. مارعۇلان اتىنداعى ارحەولوگيالىق ينستيتۋتتىڭ باسقارۋىمەن ەكى اي بويى قازبا جۇمىستارى جۇرگىزىلدى.

«قازبا جۇمىستارى تامىز ايىندا باستالدى. بارلىعى 15 قورعان انىقتالىپ، بيىل 4 قورعان زەرتتەلىپ جاتىر. بىرەۋىنەن «التىن ادام» تابىلدى. ناقتى ايتقاندا بەلدىگى، دۋلىعاسى، ءتۇرلى بۇيىمدار التىنداتىلعان. قازىر زەرتتەۋ جۇرگىزىلىپ جاتىر. تاريحا سۇيەنسەك، بۇل جەردە سارماتتاردىڭ ەسكەرتكىشى بار. تابىلعان قورىم ءبىزدىڭ زامانىمىزعا دەيىنگى V عاسىرعا جاتادى. مۇنداي جەرلەۋ تەك تايپا كوسەمىنە ءتان»، - دەدى تەمىر اۋدانىنىڭ اكىمى جولداس قالماعامبەتوۆ.

تابىلعان التىن بۇيىمدار الماتىعا زەرتتەۋگە جىبەرىلەدى.

«تاسقوپا قورىمى اۋىلدان 2 شاقىرىم جەردە ورنالاسقان. ءبىز الداعى ۋاقىتتا بۇل جەردەن دە قۇندى جادىگەر تابىلادى دەپ ۇمىتتەنەمىز»، - دەدى ج. قالماعامبەتوۆ.

ايتا كەتەيىك، تاسقوپاداعى قورىم الداعى ءۇش جىلدا زەرتتەلەدى. نەگىزى قورىم بۇرىن تونالىپ كەتكەن. بۇل جولى التىن بۇيىمدارمەن جەرلەنگەن ادام 5 مەتر 70 سانتيمەتردەن تابىلىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى