اقتوتى رايىمقۇلوۆا «توميريس» فيلمى ءۇشىن كوپشىلىكتەن كەشىرىم سۇرادى
ورتالىق كوممۋنيكاتسيالار قىزمەتىندە وتكەن بريفينگتەن كەيىن ق ر مادەنيەت جانە سپورت ءمينيسترى اقتوتى رايىمقۇلوۆا «توميريس» فيلمىنىڭ قازاقشا نۇسقاسىنا قاتىستى پىكىر ءبىلدىردى.
«نەگىزىندە فيلمنىڭ ەكى نۇسقاسى دايىندالعان. نەگىزگى نۇسقاسى قازاق تىلىندە بولاتىن. ول نۇسقا فيلم پرەمەراسىنان كەيىن ءبىر اپتا وتكەن سوڭ شىقتى. شىنىمەن ۇيات بولدى. الداعى ۋاقىتتا مۇنداي جاعداي قايتالانبايدى دەپ ۇمىتتەنەمىن. تيترلار مەن سۋبتيترلەردە قاتەلەر بولعان. بۇل كورەرمەنگە كورسەتۋ مۇمكىن ەمەس قاراپايىم قاتەلەر ەدى»، - دەدى مينيستر.
ول وسى ءۇشىن جاۋاپتى ادامدار اكىمشىلىك تارتىپتە جاۋاپقا تارتىلعانىن ايتتى.
«ارينە، بۇل فيلمنىڭ پرەمەراسى نە سەبەپتى قازاق تىلىندە بولماعانى تۋرالى سۇراقتى شەشىپ بەرە المايدى. بۇل قاتەلىك ءبولىم جۇمىسشىلارىنىڭ قاتەلىگىنەن بولعان»، - دەيدى اقتوتى رايىمقۇلوۆا.
اۆتور: زارينا قاھارمان
