قانات يسلام مەن ۋولتەر كاۋتوندوكۆا جەكپە-جەك الدىندا كوز ارباستى

قوس بوكسشى دا ءوز سالماقتارىندا قالدى - قاناتتىڭ سالماعى - 71,9 كەلىنى، ونىڭ قارسىلاسى ۋولتەر - 71,5 كەلىنى كورسەتتى.

«مەن بۇل جەكپە-جەككە دايىنمىن. دايىندىعىم وتە جاقسى. ەرتەڭ ناعىز بوكس كەشى بولادى. ءبىزدىڭ باسقا دا كاسىبي بوكسشىلار شارشى الاڭعا شىعادى. ءبىزدى قولداڭىزدار. مەنىڭ قارسىلاسىم ۋولتەر وتە تاجىريبەلى. ءبىراق ماعان ءوز دايىندىعىم بارىنەن ماڭىزدى. مەن سوڭعى سەكۋندتارعا دەيىن بوكستاسۋعا ءازىرمىن. مۇندا بارىنە دايىن بولۋىمىز كەرەك»، - دەدى قانات يسلام باسپا ءسوز ءماسليحاتىندا.

ءوز كەزەگىندە ۋولتەر كاۋتوندوكۆا مۇندا تيتۋل ءۇشىن كەلگەنىن باسا ايتتى.

«مەن بۇل تيتۋلدى وزىممەن بىرگە ناميبياعا الىپ كەتەمىن. مەن ونى قازاقستاندا قالدىرمايمىن»، - دەدى ۋولتەر.

ەرتەڭ، 26- قازاندا بالۋان شولاق اتىنداعى سپورت سارايىندا كاسىپقوي بوكس كەشى وتەدى، وندا قانات يسلام (26-0, 21 KO) مەن ناميبيالىق بوكسشى ۋولتەر كاۋتوندوكۆا (18-1، 17 ك و) نەگىزگى جەكپە-جەكتە جۇدىرىقتاسادى.

بوكس كەشى اياسىندا داۋلەت داۋكەنوۆ، ساپارباي ايداروۆ، بەكسۇلتان راۋشانوۆ، نۇرسۇلتان امانجولوۆ، اسقار ەرۋبەك، ارمان رىسبەك جانە رۋسلان مىرساتايەۆ سياقتى قازاقستاندىق بوكسشىلاردىڭ قاتىسۋىمەن 9 جەكپە-جەك وتەدى. ولاردىڭ قارسىلاستارى – ا ق ش، قىتاي جانە ەۋروپا ەلدەرىنىڭ وكىلدەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى