بۇگىن قازاقستاننىڭ باسىم بولىگىندە قولايسىز اۋا رايى كۇتىلۋدە

«25 -قازاندا قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى، كەي جەرلەردە جاۋىن-شاشىن تۇسەدى، ەلىمىزدىڭ وڭتۇستىك بولىگىندە انتيسيكلون اسەرىنەن كۇن رايى اشىق بولادى. كەي جەرلەرىندە جەل كۇشەيەدى، تۇمان ءتۇسۋى مۇمكىن، سولتۇستىك- باتىستا جانە سولتۇستىكتە كوكتايعاق كۇتىلەدى»، دەلىنگەن حابارلامادا.

اقمولا، جامبىل، اتىراۋ، باتىس قازاقستان، قوستاناي، سولتۇستىك قازاقستان، قاراعاندا، شىعىس قازاقستان، تۇندە جانە تاڭەرتەڭ اقتوبە، تۇندە پاۆلودار وبلىستارىنىڭ كەي جەرلەرىندە تۇمان ءتۇسۋى ىقتيمال.

اقمولا، شىعىس قازاقستان، كۇندىز پاۆلودار، قاراعاندا وبلىستارىنىڭ كەي جەرلەرىندە جەل 15-20 م/س كۇشەيەدى.

قوستاناي، شىعىس قازاقستان، تۇندە پاۆلودار، كۇندىز سولتۇستىك قازاقستان وبلىستارىنىڭ كەي جەرلەرىندە كوكتايعاق كۇتىلەدى.

الماتى وبلىسىندا تۇندە جالاڭاشكول اۋدانىندا جەل 15-20 م/س كۇشەيەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى