سولتۇستىك قازاقستاندا رەسەيلىك ەتتەن ادام اعزاسىنا قاۋىپتى انتيبيوتيك تابىلدى

«سولتۇستىك قازاقستان وبلىسىنىڭ اقجار اۋدانى لەنينگرادسكوە اۋىلىنداعى «زاموجسكايا س. ا» جەكە كاسىپكەرلىگىنە قاراستى «اقكول» دۇكەنىندەگى ازىق-تۇلىكتەردىڭ قاۋىپسىزدىگىن تەكسەرۋ بارىسىندا توڭازىتىلعان «كاۆكازسكي» كاۋاپقا ارنالعان ەت ونىمىنەن ادام اعزاسىنا قاۋىپتى انتيبيوتيكتەر تابىلدى. سۇيەكسىز، ۇساقتاپ كەسىلگەن، جارتىلاي دايىندالعان ەت ءونىمى رەسەيدىڭ ومبى وبلىسى، كالاچينسكي قالاسىنداعى «ومسكي بەكون» ا ق-نىڭ ءونىمى. ونىڭ قۇرامىنان 0,22 ميلليگرام كولەمىندە لەۆوميتسەتين تابىلدى. نورمالىق كورسەتكىشكە ساي لەۆوميتسەتين 0,01 ميلليگرامنان اسپاۋى ءتيىس. ءونىمدى جەتكىزۋشى اقمولا وبلىسى، كوكشەتاۋ قالاسىنداعى «N. V BUSINESS GROUP»  جەكە كاسىپكەرلىگى»، - دەلىنگەن حابارلامادا.

كوميتەت تاراتقان اقپاراتتا ايتىلعانداي، ق ر اۋىل شارۋاشىلىعى مينيسترلىگى، ۆەتەرەناريالىق باقىلاۋ جانە قاداعالاۋ كوميتەتىنە تاسىمالداۋشى مەكەمەنىڭ تالاپقا ساي كەلمەيتىن ونىمىنە قاتىستى ۆەتەرەنارلىق- سانيتارلىق تەكسەرۋ وتكىزۋ جونىندە حات جولداندى.

«ساراپشى ماماندار تۇتىنۋشىلاردان ەت ونىمدەرىن الار كەزدە ونىڭ جارامدىلىق مەرزىمىن قاراۋ كەرەكتىگىن جانە مۇمكىندىگىنشە جەكە شارۋاشىلىقتاردان ساتىپ الۋ قاجەتتىگىن ەسكەرتەدى. انتيبيوتيكتەر ادامنىڭ ومىرلىك ماڭىزى بار اعزالارىنا كەرى اسەرىن تيگىزەدى. اسىرەسە بۇيرەك، باۋىر، جۇرەك قان تامىرلارى جانە جۇيكە جۇيەلەرىنە زياندى. سوندىقتاندا ەتتى الدىمەن قايناتىپ سوسىن بۇقتىرعان ءجون. ال تاۋىق ەتى بولسا، الدىمەن ءبىر قايناتىپ، ونىڭ سۋىن توگىپ تاستاۋدى ۇسىنادى»، - دەپ حابارلايدى كوميتەت.

اۆتور: ءالي يبرايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى